චයිනා රෝඩ් ඇන්ඩ් බ්රිජ් කෝපරේෂන් (සීආර්බීසී) අනුබද්ධිත කෙන්යාවේ සමාගම් කාර්යාලය වසා දැමීම වලක්වාලමින් එරට අධිකරණය නියෝගයක් ලබා දී තිබේ.
අවධිමත් මාර්ග වැඩි දියුණු කිරීම සඳහා උප කොන්ත්රාත්තුවක් ලබා දුන් කෙන්යානු සමාගමක් විසින් පවරන ලද නඩුවක් විභාගයට ගනිමින් අධිකරණය නියෝග කර ඇත්තේ නඩු විභාගය අවසන් වන තුරු සමාගමේ උපකරණ විකිණීම, බදු දීම හෝ කෙන්යාවෙන් පිටතට ගෙනයාම නොකළ යුතු බවටයි.
කෙන්යානු උප කොන්ත්රාත් සමාගම වාණිජ අධිකරණය හමුවේ ගොනු කර ඇති නඩුවේ කියා සිටින්නේ නයිරෝබි හි අවිධිමත් ජනාවාසවල මාර්ග වැඩිදියුණු කිරීමේ ව්යාපෘතියකට අදාල පියවිය යුතු මුදලක් චීන රජයට අයත් චයිනා රෝඩ් ඇන්ඩ් බ්රිජ් කෝපරේෂන් කෙන්යානු අනුබද්ධිත සමාගම නීති විරෝධී ලෙස රඳවාගෙන ඇති බවයි.
එහි ප්රතිඵලයක් ලෙස, අරමුදල් නොමැතිකම හේතුවෙන් මෙහෙයුම් අඩාල වීමේ අවදානමක් පවතින බව උප කොන්ත්රාත් සමාගම පෙන්වා දෙයි.
එමෙන්ම අරමුදල් නිදහස් නොකිරීම හේතුවෙන් බාහිර ණය ගෙවා ගත නොහැකි වීමෙන් තම දේපළ වෙන්දේසි වීමේ පීඩනයක් උද්ගතව ඇති බව පැමිණිලිකාර පාර්ශ්වය අධිකරණය හමුවේ පෙන්වා දී තිබේ.
එසේ තිබියදී සමාගම කෙන්යාවේ සිය මෙහෙයුම් අවසන් කර චීනයට නැවත යෑමේ ක්රියාවලියක යෙදී සිටින බව උප කොන්ත්රාත් සමාගම අධිකරණයට දැනුම් දී ඇත.