කොව්ඩ් 19 වෛරසය ආසාදිතව මියයන පුද්ගලයන්ගේ සිරුරු භූමිදානය හෝ ආදාහනය කිරීම සම්බන්ධව සමහර දේශපලඥයින් සහ වෙබ් අඩවි විසින් වැරදි ප්‍රචාරයන් ගෙන යන බවට සෞඛ්‍ය අමාත්‍යාංශය නිවේදනය කරනවා.
එම නිවේදනයේ දැක්වෙන්නේ දේශපාලන අරමුණින් ආණ්ඩුවට සම්බන්ද ප්‍රභල දේශපාලන චරිත ඈදාගෙන සමහර වෙබ් අඩවි ව්‍යාජ පුවත් නිර්මාණය කරන බවයි.
දැනට සෞඛ්‍ය අමාත්‍යාංශය වෙත ලැබී ඇති සියලු විශේෂඥ වාර්තා අනුව කොවිඩ් 19 වෛරසය ආසාදනය වීමෙන් මියයන සියලු දෙනාගේ මෘත දේහයන් ආදාහනය කිරීම පමණක් සිදුකෙරෙන අතර සෞඛ්‍ය ප්‍රතිපත්ති දේශපාලන අරමුණින් යුතුව විකෘති කරමින් ව්‍යාජ පුවත් සමාජගත කිරීමෙන් වැළකී සිටින ලෙසට සෞඛ්‍ය අමාත්‍යාංශය සියලු පාර්ශවයන්ගෙන් ඉල්ලා සිටිනවා.
කෙසේ වෙතත් කොවිඩ් මරණ ආදාහනය කිරීම සම්බන්දයෙන් මුස්ලිම් නායකයන් දක්වෙන්නේ මීට පරස්පර අදහසක්.
මේ ඊයේ (26) කොළඹදී පැවති ප්‍රවෘත්ති සාකච්ඡාවකදී අසාද් සාලි මහතා ආදාහනය සම්බන්ධයෙන් පලකල අදහස්.
