ආගරපතන ප්‍රාදේශිය සභාවේ සභාපති කදිර් සෙල්වම් හට කොවිඩ් 19 වෛරසය අසාදනය වි ඇත.
දෙසැම්බර් 20 දින සිදු කරන ලද පි.සි ආර් පරික්ෂණයකදී මේ බව තහවුරු වු බව ප්‍රදේශයේ සෞඛ්‍ය නිලධාරීන් පවසයි.
අසාදිත සභාපතිවරයා පදිංචි ආගරපතන ඇල්බියන් කෝන්ෆිල්ඩ් වතු යායේ දි දෙසැම්බර් 16 දින පිසිආර් පරීක්ෂණයක් සිදු කර ඇති අතර සසභාපතිවරයා ඇතුළු ඔහුගේ පවුලේ සමාජිකයින් ස්වයං නිරෝදනයට යොමු කර ඇත.
එසේ තිබියදී නිරෝදායන උපදෙස් වලට පටහැනිව ක්‍රියාකරමින් ඔහු 17 සහ 18 යන දෙදින තුල ප්‍රභු වරන් රැසක් සහභාගි වු රැස්විම් කිහිපයකට සහභාගි වි ඇත.
අදාල පුද්ගලයා දෙසැම්බර් 17 වෙනිදා මහනුවර පොල්ගොල්ල මහින්ද රාජපක්ෂ සම්මන්ත‍්‍රණ ශාලාවේදී බැසිල් රාජපක්ෂ මහතාගේ ප‍්‍රධානත්වයෙන් පැවැත් වූ ‘ගම සමග පිළිසදරක්’ වැඩසටහනට සහභාගී වී ඇත.
අදාල රැස්විම් වලට නුවරඑළිය,තලවාකැලේ ලිදුල ,කොටගල ,ආගරපතන ,නොර්වුඩ්, මස්කෙලිය ,අඹගමුව යන ප්‍රාදේශිය සභා සහ නගර සභා වල සභාපතිවරුන් , නගරාධිපතිවරුන් , නාගරික ප්‍රාදේශිය සභා මන්ත්‍රිවරුන් ගනනාවක් සහභාගි වි ඇත.
නිරෝධායන උපදෙස් වලට පටහැනිව කටයුතු කල ආගරපතන ප්‍රාදේශිය සභාවේ සභාපතිවරයාට එරෙහිව නුවරඑළීය මහේස්ත්‍රාත් අධිකරණය හමුවේ දෙසැම්බර් 21 දින කරුණු වාර්තා කිරිමට නියමිත බවත් වාර්තා වේ.
.
