ප්‍රවීන ගායක නුවන් ගුණවර්ධන මහතාට හා ඔහුගේ පුත් ජනප්‍රිය ගායකයෙකු මෙන්ම රංගන ශිල්පියෙකු වන ගයාන් ගුණවර්ධන හට කොවිඩ් 19 වෛරසය ආසාදනය වී ඇති බවට හදුනාගෙන තිබෙනවා.
ගයාන් ගුණවර්ධන මහතා නිවේදනය කරන්නේ ඊයේ (08) දිනයේ සිදුකරන ලද PCR පරීක්ෂණයකට අනුව ඔහුත් ඔහුගේ මව හා පියාත් කොවිඩ් 19 වෛරසයට ගොදුරුව ඇති බවට තහවුරුවී ඇති බවයි.
පසුගිය දින කිහිපයේ තමන් හා තම පවුලේ සාමාජිකයන් ඇසුරු කළ අයෙක් වේ නම් නිවෙස්වල ස්වයං නිරෝධායනය වන ලෙසටද ගයාන් ගුණවර්ධන මහතා ඉල්ලා සිටිනවා.
කෙසේ වෙතත් මේ වන විට නුවන් ගුණවර්ධන මහතා රෝහල් ගත කර ඇති අතර ඔහු නේවාසිකව ප්‍රතිකාර ලබමින් සිටිනවා.
