මේ වන විට කොවිඩ් වැක්සීනය බස්නාහිර පළාතෙන් පිටතටද ලබාදීම ආරම්භ කර තිබෙනවා.
ඒ අනුව යුද හමුදාපති ජෙනරාල් ශවේන්ද්‍ර සිල්වා මහතා ඊයේ (26) නිවේදනය කළේ ගාල්ල, මාතර හා කුරුණෑගල දිස්ත්‍රික්කවල කොවිඩ් වැක්සීනය ලබාදීම අද සිට ආරම්භ කරන බවයි.
මේ අතර දඹුල්ල ආර්ථික මධ්‍යස්ථානයේ කම්කරුවන්, වෙළෙඳ සේවකයන් සහ ව්‍යාපාරිකයන් 1,610 දෙනෙකුට කොවිඩ් මර්දන එන්නත ලබාදීම අද (27) දින පෙරවරුවේ ආරම්භ කෙරුණා.
මෙම එන්නත්කරණ වැඩසටහන ක්‍රියාත්මක කෙරුණේ දඹුල්ල ආර්ථික මධ්‍යස්ථානය පරිශ්‍රයෙයි.
මීට පෙර අවස්ථා කිහිපයකදීම මතුවූ කොවිඩ් අවදානම හේතුවෙන් දඹුල්ල ආර්ථික මධ්‍යස්ථානය තාවකාලිකව වසා දැමීමටද සිදුව තිබීම හේතුවෙන් පවතින අවදානම සලකා මෙම එන්නත්කරණ වැඩසටහන දඹුල්ලේද ආරම්භ කර තිබෙනවා.
