කොවිඩ් 19 මරණ තහවුරු කිරීමේදී පෙබරවාරි 01 වනදා එනම් පෙරේදා දිනයේ අංක 06 හා 07 ලෙස සදහන් කරන ලද පුද්ගල මරණ දෙක ප්‍රමාද දොෂයක් හේතුවෙන් පෙබරවාරි 02 එනම් ඊයේ දිනයේ අංක 03 සහ 05 යටතේද නැවත වාර්තා කර ඇති බව සෞඛ්‍ය සේවා අධ්‍යක්ෂ්‍ය ජනරාල්වරයා දැනුම් දෙනවා.
ඒ අනුව ඊයේ දිනට සමස්ත කොවිඩ් මරණ 330 ක් ලෙස වාර්තා වුවද පෙර මරණ දෙක අඩු වූ පසුව ඊයේ දිනට මෙරට සමස්ත කොවිඩ් මරණ සංඛ්‍යාව 328 ක් ලෙස නිවැරදි විය යුතු බවට සෞඛ්‍ය සේවා අධ්‍යක්ෂ ජනරාල්වරයා නිවේදනය කරනවා.
මේ අතර අද (03) දිනයේද කොවිඩ් මරණ 4 ක් වාර්තා වනවා. ඒ අනුව මෙරට සමස්ත කොවිඩ් මරණ සංඛ්‍යාව 332 දක්වා ඉහළ ගොස් තිබෙනවා.
