ජල පෝෂක ප්‍රදේශ වලින් ලැබෙන ජලය අඩුවන්නේ ඉතා විශාල වශයෙන් වනාන්තර හෙළිකිරීම් හරහා පමණක් බව කෘෂිකර්ම දෙපාර්තුමේන්තුවේ ප්‍රධාන කෘෂි දේශක විද්‍යාඥ ආචාර්‍ය රංජිත් පුන්‍යවර්ධන මහතා පවසනවා.
සුළු වශයෙන් සිදුවන හෙළි පෙහෙළි කිරීම් හරහා ගංගා වල ජල මට්ටම අඩු වෙන බවට තමන් විශ්වාස නොකරන බවයි ඒ මහතා පවසන්නේ.
සංවර්ධනය සහ පරිසරය යන සාධක වල තුලනයක් තිබිය යුතු බවත් සංවර්ධන කටයුත්තක් නිසා සිදුවන වන විනාශයට සාපේක්ෂව දෙගුණයක් නැවත වන රෝපණය හරහා සිදුවන හානිය වළක්වාගත හැකි බවත් ඒ මහතා පවසනවා.
ජලයට නිසි මිලක්/ වටිනාකමක් නියම කිරීම හරහා සිදුවන ජල හානිය වළක්වා ගත හැකි බවත් ඒ මහතා වැඩිදුරටත් පෙන්වා දෙනවා.
