වරකාපොළ ප්‍රාදේශිය ලේකම් බල ප්‍රදේශයෙන් කොවිඩ් වෛරසය ආසාදනය වූ පුද්ගලයන් 12 ක් හදුනාගෙන ඇති බවත් ඉන් උඩුකුඹුර, ඔත්තනාපිටිය ප්‍රදේශයේ පදිංචි එක් පුද්ගලයෙකු කෑගල්ලේ ධම්මික පැණිය පායන කළ අයෙක් බවත් එම ප්‍රදේශයේ සෞඛ්‍ය නිලධාරීන් පවසයි.
අදාල ආසාදිතයන් සියළු දෙනාම මේ වන විට රෝහල් ගත කර ඇති බවත් ඔත්තනාපිටිය ප්‍රදේශයේ ආසාදිතයා පසුගිය දිනවල කෑගල්ලේ ධම්මික බන්ඩාර නමැති පුද්ගලයා විසින් ලබා දෙන පැණිය පානය කර, තමන්ට කොවිඩ් වැලඳීමක් සිදුවන්නේ නැති බවට විශ්වාස කළ අයෙක් බවත් සෞඛ්‍ය නිලධාරීන් පවසයි.
