ශ්රී ලංකා ක්රිකට් ක්රීඩක ධනුෂ්ක ගුණතිලකට එරෙහි නඩු විභාගය අද (18) සිඩ්නි හි අධිකරණයේදී කැඳවා තිබෙනවා.
T20 ලෝක කුසලානය සඳහා ක්රීඩා කිරීමට ඕස්ට්රේලියාව බලා ගොස් සිටි ධනුෂ්ක ගුණතිලක එරට කාන්තාවක් විසින් සිදුකළ පැමිණිල්ලකට අනුව 2022 නොවැම්බර් මාසයේදී සිඩ්නි පොලීසිය විසින් අත්අඩංගුවට ගෙන තිබුණා.
එහිදී ඔහුට එරෙහිව ස්ත්රී දුෂණ චෝදනා 4ක් එල්ල කර තිබූ අතර අනතුරුව ඉන් චෝදනා තුනක් ඉවත්කර ගැනුණා .
අදාළ තරුණියගේ “කැමැත්තකින් තොරව ලිංගික කටයුතුවල නිරතවීම” යන චෝදනාව එහිදී ඔහුට එල්ල වී තිබුණා .
අද අධිකරණයේදී එම තරුණියගේ පාර්ශවය විසින් කරුණු දක්වා තිබූ අතර එහිදී ඇය සඳහන් කර තිබුණේ තමාට ජීවිතය සම්බන්ධයෙන් බයක් දැනුණු බවයි.
නමුත් ධනුෂ්කගේ නීතිඥවරයා අදාළ චෝදනා ප්රතික්ෂේප කර තිබුණා.
පැමිණිලිකරුගේ සාක්ෂි විශ්වසනීය නොවන බවට ඔහු තර්ක කර තිබූ අතර ඔහු අධිකරණය හමුවේ පවසා ඇත්තේ ධනුෂ්ක ගුණතිලක විශිෂ්ට චරිතයක් ඇති පුද්ගලයෙකු වශයෙන් පොලිසිය සමඟ සහයෝගයෙන් කටයුතු කළ බවයි.