අමාත්‍ය උදය ගම්මන්පිලට මහතාට එරෙහි විශ්වාසභංග යෝජනාව පිළිබඳ විවාදය ජුලි මස 19 සහ 20 වනදා පැවැත්වීමට තීරණය වී තිබේ.
කතානායක මහින්ද යාපා අබේවර්ධන මහතාගේ ප්‍රධානත්වයෙන් අද (05) පෙරවරුවේ රැස්වුණු පාර්ලිමේන්තු කටයුතු පිළිබඳ කාරක සභාවේ දී පක්ෂ නායකයින් මේ බව තීරණය කළ බවයි වාර්තා වන්නේ
ඉන්ධන මිල වැඩිකිරීමේ සිද්ධිය මුල්කර ගනිමින් බලශක්ති අමාත්‍ය උදය ගම්මන්පිල මහතාට එරෙහිව සමගි ජනබලවේගය විසින් ජූනි 22 වන දා පාර්ලිමේන්තුවේදී කථානායකවරයා වෙත එම විශ්වාසභංග යෝජනාව භාර දී තිබුණි.
විපක්ෂ මන්ත්‍රීවරුන් 43 දෙනෙකුගේ අත්සන්වලින් යුත් එම විශ්වාසභංග යෝජනාව පාර්ලිමේන්තු මන්ත්‍රී ලක්ෂ්මන් කිරිඇල්ල මහතා විසින් කතානායකවරයා වෙත භාර දෙනු ලැබීය.
කරුණු 10ක් යටතේ එම විශ්වාසභංග යෝජනාව සකස්කර ඇති සමගි ජන බලවේගය පෙන්වා දෙන්නේ, අමාත්‍ය මණ්ඩල අනුමැතියකින් තොරව බලශක්ති අමාත්‍ය උදය ගම්මන්පිල මහතා විසින් ඉන්ධන මිල වැඩි කර ඇතැයි පෙනී යන බවයි.
ජූනි 16 දින කොළඹ පිහිටි විපක්ෂනායක කාර්යාලයේදී ඊට අත්සන් තැබීම ආරම්භ කෙරිණි.
