කුසල් මෙන්ඩිස්ගේ විනය විරෝධී හැසිරීමක් සම්බන්ධයෙන් ඔහුට එරෙහිව විනය පියවර ගැනීමට සූදානමක් පවතින බව ක්රිකට් ආරංචි මාර්ග පවසනවා.
කොළඹ බ්ලූම්ෆීල්ඩ් ක්රීඩාංගණයේ පැවති ප්රමුඛපෙළ ක්රීඩා සමාජ එක්දින තරගාවලියේ දී එස්එස්සී සහ බ්ලූම්ෆීල්ඩ් ක්රීඩා සමාජ අතර පැවති තරඟය අතරතුර ක්රීඩාගාරයේ දොරකට පහරදී හානිකර ඇති බවට කුසල් මෙන්ඩිස්ට චෝදනා එල්ල වී තිබෙනවා.
ජෙෆ්රි වැන්ඩසේගේ පන්දුවක් හමුවේ සඳුන් වීරක්කොඩි අතට උඩපන්දුවක් ලබාදී ලකුණු 00කට දැවී ගිය අවස්ථාවේ දී ඉන් කුපිත වීම නිසා ඔහු මෙසේ දොරකට පහර දී ඇති බවයි වාර්තා වන්නේ.
මෙම සිදුවීම සම්බන්ධයෙන් බ්ලූම්ෆීල්ඩ් ක්රීඩා සමාජය ලිඛිත පැමිණිල්ලක් සිදු කර ඇති අතර තරග තීරක වාර්තාව ද ශ්රී ලංකා ක්රිකට් ආයතනයට යොමු කර ඇති බව සඳහන්.
ඒ අනුව, ඔහුට ජාත්යන්තර තරගයක් හෝ දේශීය තරග කිහිපයක තහනමක් පැනවෙනු ඇති බවට වැඩිදුරටත් වාර්තා වෙනවා.
ශ්රී ලංකා ක්රිකට් ආයතනයේ විනය කමිටුව හමුවට අදාළ ගැටලුව ඉදිරිපත් කෙරෙන අතර එම කමිටුව මේ සම්බන්ධයෙන් ඉදිරියේදී නිසි ක්රියාමාර්ග ගැනීමට නියමිතයි.