අනධ්යන සේවකයින්ගේ දීමනා ලබාදීම සම්බන්ධයෙන් මේ සතියේ තීරණයක් ගන්නා බව උසස් අධ්යාපන රාජ්ය අමාත්ය සුරේන් රාඝවන් මහතා පවසනවා.
අමාත්යවරයා වැඩිදුරටත් පැවසුවේ, විශ්වවිද්යාල අනධ්යන සේවකයින්ගේ දීමනා ලබාදීමට වාර්ෂිකව රුපියල් බිලියන 1.3 ක් පමණ වැය වන බව මේ වනවිට ගණන් බලා ඇති බවයි.
ඒ අනුව, මහා භාණ්ඩාගාරයට ලැබී ඇති බදු මුදල් ප්රමාණය සලකාබලා මේ සම්බන්ධයෙන් තීරණයක් ලබා දෙන බව අමාත්ය සුරේන් රාඝවන් මහතා තවදුරටත් පවසා තිබෙනවා.
මේ අතර, විශ්වවිද්යාල අනධ්යන සේවකයින් ආරම්භ කළ වැඩවර්ජනය අද 15 වැනි දිනටත් ක්රියාත්මක වෙනවා.
විශ්වවිද්යාල වෘත්තීය සමිති ඒකාබද්ධ කමිටුවේ සමසභාපති ධම්මික එස්. ප්රියන්ත මහතා පැවසුවේ, ඊයේ (15) දිනයේ සිට වැඩවර්ජනය දැඩි කිරීමට කටයුතු කළ බවයි.
අනධ්යන සේවකයින්ගේ වැටුප 15% කින් කප්පාදු කිරීමත්, අනධ්යන සේවකයින්ගේ මාසික හිලවු දීමනාව වැඩි නොකිරීමටත් විරෝධය පළ කරමින් ඔවුන් මෙම වැඩවර්ජනය ආරම්භ කර තිබුණා.
