ඉතාමත් වේගවත්ව ව්‍යාප්තවෙන ඩෙල්ටා කොවිඩ් ප්‍රභේදය එන්ත්කරණයෙන් පමණක් පාලනය කළ නොහැකි බව විශේෂඥ වෛද්‍යවරුන්ගේ සංගමය පවසනවා.
එන්ත්කරණයට පමණක් සීමා නොවී ඊට සමගාමීව වඩා ඉක්මන් විසඳුම්වලටද යා යුතුව ඇති බවයි එම සංගමයේ සභාපති, විශේෂඥ වෛද්‍ය ලක්කුමාර් ප්‍රනාන්දු මහතා පෙන්වා දෙන්නේ.
එන්නත්කරණය හරහා ප්‍රතිශක්තිය ඇතිවීමට අවම වශයෙන් සති හයක පමණ කාලයක් ගතවන බැවින්, රටපුරා සීග්‍රයෙන් එන්නත්කරණය සිදු කළද, අනෙක් ක්ෂණික පියවරයන් ගෙන වෛරස ව්‍යාප්තිය පාලනය නොකළහොත් එන්නත්කරණයෙන් ගතහැකි උපරිම වාසියද අත්කර ගැනීමට නොහැකි වනු ඇති බවත් එම සංගමය අවධාරණය කර සිටිනවා.
වත්මන් තත්වය සැලකිල්ලට ගැනීමේදී ඉදිරියේදී ඉතා ඉහළ අගයකින් ආසාදිතයන් වාර්තා වීම සිදුවනු ඇති බව පෙනෙන්නට ඇති බවත් අවශ්‍ය මොහොතේ නිවැරදි තීන්දු තීරණ ගැනීමට අසමත් වුවහොත් ඉදිරියේදී වඩාත් බරපතල තත්වයක් ඇති වන බවත් විශේෂඥ වෛද්‍ය ලක්කුමාර් ප්‍රනාන්දු මහතා පවසනවා.
