කොළඹ නගර සීමාවෙන් හඳුනාගත් ආසාදිතයින්ගෙන් 75% කට වඩා ආසාදනය වී ඇත්තේ කොවිඩ් ඩෙල්ටා ප්රභේදය බව ශ්රී ජයවර්ධනපුර විශ්වවිද්යාලයේ ආසාත්මිකතා ප්රතිශක්ති විද්යා හා සෛල ජීව විද්යායතනයේ ආචාර්ය චන්දිම ජීවන්දර මහතා පවසනවා.
තම ටිව්ටර් ගිණුමේ සටහනක් තබමින් ඔහු සඳහන් කර ඇත්තේ ජූලි මාසයේ පළමු සතිය තුළ ඩෙල්ටා ප්රභේදය ආසාදනය වූ රෝගීන් ගණන 19.3% ක් ලෙස වාර්තා වූවත් මේ වනවිට එය 75% දක්වා ඉහළ ගොස් ඇති බවයි.
මේ අතර කැලණිය ප්රාදේශීය ලේකම් කාර්යාලයේ සේවකයින් 14 දෙනෙකු කොවිඩ් ආසාදිතයින් ලෙස හඳුනාගෙන ඇති බව ගම්පහ දිස්ත්රික් සෞඛ්ය වෛද්ය නිලධාරී කාර්යාලය පවසනවා.
ආසාදිත පුද්ගලයන් අතර ප්රාදේශීය ලේකම්වරියද සිටින අතර ඔවුන් සියලුදෙනා වෛද්ය අධීක්ෂණය යටතේ මේ වනවිට නිරෝධායනයට යොමුකර තිබෙනවා.
මේ අතර ඇඹිලිපිටිය දිස්ත්රික් මහ රෝහලේ කටයුතු අත්යවශ්ය හදිසි ප්රතිකාර සේවා සඳහා පමණක් සීමා කර තිබෙනවා.
රෝහල් අධ්යක්ෂිකා වෛද්ය සමන්තා රාමචන්ද්ර සඳහන් කළේ රෝහල් කාර්ය මණ්ඩලයේ 14 දෙනෙකු ආසාදිතයන් බවට හඳුනාගැනීම නිසා මෙම තත්වය උද්ගතවී ඇති බවයි.