බීලා වෑන් එකේ ගිය අය අපේ අය නෙවෙයි – දෙරණ

ඊයේ (26) දිනයේ මට්ටක්කුළිය ප්‍රදේශයේදී බීමත් රියදුරෙකු විසින් ධාවනය කරන ලද වෑන් රථයක් පොලිස් අත්අඩංගුවට පත්වුණා.
එහි රියදුරු, තවත් පුද්ගලයෙක් සහ වෑන් රථය අත්අඩංගුවට ගෙන පොලිස් ස්ථානය වෙත රැගෙන යන වීඩියෝවක් සමාජමාධ්‍ය පුරා සංසරණය වුණා.
එම වෑන් රථයේ දෙරණ ආයතනයේ ප්‍රචාරක ස්ටිකර් අලවා තිබූ අතර වෑන් රථය ඉදිරිපසද දෙරණ ආයතනයේ පුවරුවක් ප්‍රදර්ශනය කර තිබුණා.
මේ පිළිබදව පැහැදිළි කිරීමක් සිදුකරමින් අද දෙරණ වෙබ් අඩවියෙහි සදහන් කර ඇත්තේ එම වෑන් රථය තාවකාලිකව කුලී පදනම මත ලබාගත් වාහනයක් බවයි.
එමෙන්ම අදාල සිදුවීම වන අවස්ථාවේදී එම වෑන් රථය දෙරණ ආයතනයට සම්බන්ද රාජකාරී කටයුත්තක හෝ මාධ්‍ය ආවරණ කටයුත්තක නිරතව නොසිටි බවද එහි සදහන් කර තිබෙනවා.
තවද එහි රියදුරා හෝ වෑන් රථයේ සිටි අනෙක් පුද්ගලයා දෙරණ ආයතනයට කිසිදු සම්බන්දයක් නොමැති බවයි එම ආයතනය නිවේදනය කරන්නේ.