රැදවුම් නියෝගමත රඳවා සිටින නීතිඥ හිජාස් හිස්බුල්ලා මහතා හට සිය පවුලේ සාමාජිකයන් සමඟ කතාබහ කිරීමට අද (27) බන්ධනාගාර දෙපාර්තමේන්තුව අවසර ලබාදී තිබෙනවා.
ඒ අනුව වීඩියෝ ඇමතුමක් මාර්ගයෙන් වැලිකඩ බන්ධනාගාරයේ සිට ඔහු සිය පවුලේ ඥාතීන් ඇමතූ බවයි බන්ධනාගාර දෙපාර්තමේන්තුව සඳහන් කරන්නේ.
පවත්නා කොවිඩ් තත්ත්වය හේතුවෙන් බන්ධනාගාරගත රැදවියන් බැලීම සඳහා ඥාතීන් හට අවස්ථාව නොලැබෙන බැවින් ඔවුන්ට වීඩියෝ ඇමතුම් මාර්ගයෙන් ඥාතීන් සමගින් කතාබහ කිරීමට බන්ධනාගාර දෙපාර්තමේන්තුව මේ වන විට පහසුකම් සළසා තිබෙනවා.
පාස්කු ඉරිදා ත්‍රස්ත ප්‍රහරය සම්බන්ධයෙන් එල්ලවන චෝදනාවන් හේතුවෙන් නීතිඥ හිජාස් හිස්බුල්ලා මහතා මේ වන විට රැදවුම් නියෝගමත දින 400 කටත් අධික කාලයක් රඳවාගෙන සිටිනවා.
