කොවිඩ් වසන්ගතය හමුවේ රට තුළ ක්‍රියාත්මක කර ඇති නිරෝධායන නීති උල්ලංඝණය කරමින් කොළඔ, දේවි බාලිකා විද්‍යාලයේ ජනවාරි 15 වන දින පිරිත් දේශණයක් සංවිධායනය කර ඇති බව වාර්තා වේ.
එම විද්‍යාලයේ විදුහල්පතිනිය, අංශ භාර ප්‍රධානින් දැනුවත් කර ඇත්තේ පාසලේ සියළුම ගුරුවන්ට පෞද්ගලිකව දූරකථනය හරහා දැනුවත් කර පිරිත් දේශණයට සහභාගී වල ලෙස දන්වන ලෙසය.
එම විද්‍යාලයේ ගුරුවන් 160 ක් සහ අනධ්‍යන කාර්ය මණ්ඩලයේ සේවකයන්ද එකතු වූ විට එම පිරිත් දේශණයට සහභාගී වීමට නියමිත සංඛ්‍යාව 200 දෙනෙකි.
විද්‍යාලයේ ගුරුවරුන් වෙනත් දිස්ත්‍රික්කවල සිට පැමිණෙන බැවින් යම් අයෙකුට කොවිඩ් 10 වෛරසය ආසාදනය වී ඇත්නම් අනෙක් කාර්ය මණ්ඩලයටද වෛරසය පැතිරීමේ දැඩි අවධානමක් ඇති බවත් ගුරුවරු කිහිපදෙනෙක් අප සමඟ අදහස් දක්වමින් පැවසීය.
අදාල පිරිත් දේශනය එම විද්‍යාලයේ වාර්ෂිකව පවත්වන වැඩසටහනක් නමුත් මෙවැනි වසන්ගතයක් හමුවේ පිරිස් එක්රුස් කිරීම නුසුදුසු බවත් ඔවුන් පවසයි.
තවද පසුගිය ජනවාරි 01 වන දිනද නව වසරේ උදාව සැමරීම සදහා ගුරුවරුන් සියළු දෙනාව එම පාසලට කැඳවා ඇති බවත් වාර්තා වේ.
