ශ්රී ලාංකික ක්රිකට් ක්රීඩක ධනුෂ්ක ගුණතිලක ඊයේ (03) රාත්රියේ දිවයිනට පැමිණි තිබෙනවා.
ලෝක කුසලාන ක්රිකට් තරඟාවලියට සහභාගී වීම සඳහා ඔස්ට්රේලියාව වෙත ගොස් සිටියදී කාන්තාවකට ලිංගික අතවර කිරීමේ චෝදනාවකට ලක් වූ ඔහු පසුව ඉන් නිදොස් කොට නිදහස් කෙරුණා.
ගුවන් තොටුපොළේදී මාධ්යවේදීන් හමුවේ අදහස් දැක්වූ ධනුෂ්ක ගුණතිලක, මෙම මාස එකොළහක කාළය තුළ ඕස්ට්රේලියාවේ සහ ශ්රී ලංකාවේ ඔහු සමඟ රැඳී සිටි සියලු දෙනාටම ස්තුතිය පිරිනමන බව ප්රකාශ කළා .
ධනුෂ්ක ගුණතිලක වැඩිදුරටත් පැවසුවේ තමන් ඉතා ඉක්මනින් ක්රිකට් ක්රීඩා කිරීම සදහා අවශ්ය පුහුණවීම් කටයුතුවල නිරත වීමට අදහස් කරන බවයි.
එමෙන්ම ඉදිරියේදී යම් කොන්දේසි මත ධනුශ්ක ගුණතිලකට ක්රීඩා කිරීමට අවසර ලබා දීම පිළිබඳ ක්රීඩා අමාත්යවරයාගේ ප්රකාශය සම්බන්ධයෙන් මාධ්යවේදියෙකු විසින් ඔහුගෙන් විමසා තිබුණා.
ධනුශ්ක එහිදී පැවසුවේ එම කොන්දේසි පිළිබඳව තමා දැනුවත් නොමැති අතර ඉදිරියේදී යළි ක්රීඩා කරන්නේ නම් එම කොන්දේසි මොනවාද යන්න පිළිබඳ සලකා බලන බවයි.