20 වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පතට පක්ෂව ඡන්දය ප්‍රකාශ කිරීම නිසා පාර්ලිමේන්තු මන්ත්‍රිනී ඩයනා ගමගේ මහත්මියගේ පක්ෂ සාමාජිකත්වය තහනම් කිරීමට සමගි ජන බලවේගය තීරණය කර ඇත.
විපක්ෂ නායක සජිත් ප්‍රේමදාස මහතාගේ අත්සනින් යුතුව නොවැම්බර් 12 වන දින ඩයනා ගමගේ මහත්මිය වෙත අදාල ලිපිය යොමුකර ඇත. එම ලිපියේ සඳහන් කර ඇත්තේ 20 වන ව්‍යවස්ථා සංශෝධනයට විපක්ෂව ඡන්දය ප්‍රකාශකිරිමට සමගි ජන බලවේගය ගත් ඒකමතික තීන්දුවට ඇය අවනත නොවු බවත් එම ක්‍රියාකලාපය නිසා සමගි ජන බලවේගය පක්ෂයේ කීර්ති නාමය, යහපැවැත්ම හා උන්නතිය තකා ඩයනා ගමගේ මහත්මියගේ පක්ෂ සාමාජිකත්වය තහනම් කිරීමට අවශ්‍ය බව තමා තීරණය කළ බව සජිත් ප්‍රේමදාස මහතා ඔහුගේ ලිපියේ සදහන් කර ඇත.
තවද පක්ෂයේ සභාපතිවරයා ලෙස තමාට සමගි ජන බලවේගයේ පක්ෂ ව්‍යවස්ථාවෙන් ලැබී ඇති බලතල ප්‍රකාරව ඩයනා ගමගේගේ පක්ෂ සාමාජිකත්වය අහෝසි කිරීමට තමන් තීරණයක් ගත් බවය.
