රිය අනතුරක් සම්බන්ධයෙන් වූ බහින්බස් වීමක් දුරදිග යාමෙන් පුද්ගලයකුට පහර දුන්නේ යැයි සැකපිට සමගි ජන බලවේගය පක්ෂයේ පාර්ලිමේන්තු මන්ත්රී දිලිප් වෙදආරච්චිගේ පුත්රයකු (14) අත්අඩංගුවට ගත් බව මහරගම පොලිසිය පවසයි.
මහරගම නගරය හරහා හයිලෙවල් මාර්ගයේ යමින් සිටි මෙම පුද්ගලයාගේ මෝටර් රථයේ තවත් මෝටර් රථයක් ගැටී අනතුරක් සිදුව ඇති බවත් ඒ සම්බන්ධයෙන් දෙපාර්ශ්වය අතර වූ බහින්බස් වීමක් දුරදිග යාමෙන් අනෙක් මෝටර් රථයේ ගමන් ගත් පුද්ගලයෙකුට සැකකරු පහරදී තර්ජනය කර ඇති බවත් පොලීසිය කියයි.
පසුව පහර කෑමට ලක් වූ පුද්ගලයා පොලිසියට කරන ලද පැමිණිල්ලක් අනුව සැකකරු අත්අඩංගුවට ගත් බව පොලීසිය කියයි.
අනතුරින් පාර්ලිමේන්තු මන්ත්රීවරයාගේ පුත්රයා ගමන්ගත් මෝටර් රථයට සුළු හානි සිදුව ඇති බවත් සිද්ධිය සම්බන්ධයෙන් අත්අඩංගුවට ගත් පාර්ලිමේන්තු මන්ත්රීවරයාගේ පුත්රයාව ඇප මත මුදා හැර ඇති බවත් වාර්තා වේ.