27.6 C
Colombo
Friday, June 14, 2024
spot_img

දිල්රුක්ෂි ඩයස් වික්‍රමසිංහගේ හඩපටය නිශ්ශංක සේනාධිපති ස්ථාන 10 කින් සංස්කරණය කරලා

- Advertisement -

හිටපු සොලිසිටර් ජනරාල් දිල්රුක්ෂි ඩයස් වික්‍රමසිංහ මහත්මිය සහ ඇවන්ට්ගාඩ් සභාපති නිශ්ශංක සේනාධිපති මහතා අතර පැවති දුරකතන සංවාදයක් සේනාධිපති මහතා විසින් පටිගත කර සංස්කරණය කර ඇති බව පරිපාලන අභියාචනා විනිශ්චය සභාව විසින් තහවුරු කර තිබෙනවා.

2019 සැප්තැම්බර් මාසයේදී Youtube වෙත මුදා හැර තිබූ එකී සංවාදය හේතුවෙන් වික්‍රමසිංහ මහත්මියගේ වැඩතහනම් කර අනිවාර්ය සේවා නිවාඩු යවන බව රාජ්‍ය සේවා කොමිසම විසින් මීට පෙර ඇයට දැනුම්දී තිබුණා.

විනිශ්චය සභාව රාජ්‍ය සේවා කොමිසමට නියෝග කර ඇත්තේ ඉහත වැඩ තහනම් කිරීමේ නියෝගය අහෝසි කරන ලෙසත් වහාම ක්‍රියාත්මක වන පරිදි සොලිසිටර් ජනරාල් තනතුරේ වික්‍රමසිංහ මහත්මියගේ රාජකාරි කටයුතු නැවත ආරම්භ කිරීමට අවසර දෙන ලෙසත් ය.

කෙසේවෙතත් වික්‍රමසිංහ මහත්මිය පසුගිය සිකුරාදා (ජූලි 30) විශ්‍රාම ගැන්වීමට නියමිතව තිබුණා.

මොරටුව විශ්ව විද්‍යාලයේ වාර්තාවක් ඇතුලුව විශේෂඥ වාර්තා තුනක් සනාථ කළේ මෙම පටිගතකිරීම සැලකිය යුතු ලෙස සංස්කරණය කර ඇති අතර, එය මූලික හඬපටයෙහි අඩංගු අදහස මූලික වශයෙන් විකෘති කර ඇති බවයි.

මේ අතර රජයේ සහකාර රස පරීක්ෂක ඩබ්ලිව්.ජී.ඩී.එල්. ගුණතිලකමහතා වික්‍රමසිංහ මහත්මියට එරෙහි චෝදනා ගැන පරීක්ෂණයක් පවත්වමින් කියා සිටියේ මෙම හඬපට පටිගත කිරීම ස්ථාන 10 කදී සංස්කරණයට ලක් කර ඇති බවයි.

තීන්දුවේ සඳහන් කර ඇත්තේ, එම පටිගතකිරීම තමා විසින් තම අවශ්‍යතාවයට ගැලපෙන ලෙස සංස්කරණය කිරීමට ලක් කළ බව මූලික විමර්ශනයේදී නිශ්ශංක සේනාධිපති මහතාගේ ප්‍රකාශයක් මඟින් පිළිගත් බවයි.

සංස්කරණය නොකළ හඩපටියක් ඉදිරිපත් කිරීමට ඔහුට අවස්ථාව ලබා දී ඇතත් එය කිරීමටද ඔහු අසමත් වී ඇත.

හිටපු අමාත්‍ය වජිර අබේවර්ධන මහතා සමඟ රාත්‍රී භෝජන සංග්‍රහයකදී සේනාධිපති මහතා දුරකථන ඇමතුමක් ලබාගැනීමෙන් වික්‍රමසිංහ මහත්මිය උගුලකට හසුකරගෙන ඇති බව අදාළ පරීක්ෂණයේදී තහවුරු වී තිබෙනවා.

රාත්‍රී භෝජන සංග්‍රහය අතරතුර වජිර අබේවර්ධන මහතා සිය දුරකථනය වික්‍රමසිංහ මහත්මියට දිගු කරමින් පවසා ඇත්තේ තමන් හට වික්‍රමසිංහ මහත්මිය සමඟ කතා කිරීමට අවශ්‍ය බව නිශ්ශංක සේනාධිපති මහතාට පවසන බවයි.

ඔවුන්ගේ සංවාදය නීත්‍යානුකූල ප්‍රසම්පාදනය පිළිබඳ ප්‍රශ්නයකට සම්බන්ධ වූවකි.

අධිකරණයේදී කරුණු ඉදිරිපත් වී ඇත්තේ සේනාධිපති මහතා හිතා මතාම උගුලක් අටවා ඔහුගේ අවශ්‍යතාවය සඳහා ඇය සමඟ කරන ඕනෑම දුරකථන සංවාදයක් පටිගත කිරීමට පෙර සූදානමකින් බලා සිටි බව ඔප්පුවන බවයි.

මේ අතර, සේනාධිපති මහතා විසින් ප්‍රකාශයට පත්කරන ලද හා බෙදාහරින ලද බව කියන හඬපට සහ වීඩියෝ පටය තුළින් තමාට සිදු වූ අලාභය හා හානිය සඳහා රුපියල් බිලියන 2 ක මුදලක් වහාම ගෙවන ලෙස ඉල්ලා වික්‍රමසිංහ මහත්මිය සේනාධිපති මහතා වෙත එන්තරවාසි ලිපියක් ද යවා තිබෙනවා.

RECENT ARTICLES - SINHALA

ණය ගැන කොහොමද සතුටු වෙන්නේ ?- රෝහිත අබේගුණවර්ධන

ජාත්‍යන්තර මූල්‍ය අරමුදල ලබා දෙන්නේද ණය නිසා ණය ලැබීම ගැන සතුටු විය නොහැකි බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රෝහිත අබේගුණවර්ධන මහතා පැවසුවා. මේ...

උද්දිකගේ සුපිරි රංගනය අතේ පත්තු වෙලා

ශ්‍රී ලංකා පොදු ජන පෙරමුණේ අනුරාධපුර දිස්ත්‍රික් හිටපු පාර්ලිමේන්තු මන්ත්‍රී රංගන ශිල්පී උද්දික ප්‍රේමරත්න මහතාගේ අනුරාධපුරයේ පිහිටි නිවස අසලදී ඔහුගේ වාහනයට වෙඩි තබා ඇත්තේ...

දුම්රිය ස්ථානාධිපතිවරු වෘත්තීය ක්‍රියාමාර්ගයකට සුදානමින්

උසස්වීම් ක්‍රමවේදයේ පවතින ගැටලු ඇතුළු ඉල්ලීම් කිහිපයක් මුල් කරගනිමින් වෘත්තීය ක්‍රියාමාර්ගයකට එළඹීමට දුම්රිය ස්ථානාධිපතිවරුන්ගේ සංගමය තීරණය කර තිබෙනවා. සිය ඉල්ලීම් සම්බන්ධයෙන් හෙට (14) පස්වරු 2.00...

POPULAR ARTICLES

ශ්‍රී ලංකා ක්‍රිකට් කණ්ඩායම විකිපීඩියා එකේ ‘ලොන්තයෝ’ වෙලා

විස්සයි විස්ස ලෝක කුසලන තරඟාවලියට සහභාගී වී සිටින ශ්‍රී ලංකා කණ්ඩායමේ දුර්වල ක්‍රීඩා විලාසය සම්බන්ධයෙන් වර්තමානය වන විට ක‍්‍රිකට් ලෝලීන්ගෙන් දැඩි විවේචන එල්ල වෙමින්...

කෙහෙළියට මල්වඩම් යවපු විඩියෝ අධිකරණයට දෙන්න- මහේස්ත්‍රාත් අධිකරණය

හිටපු සෞඛ්‍ය අමා​ත්‍ය කෙහෙළිය රඹුක්වැල්ල මහතාගේ කොළඹ 07 පිහිටි නිල නිවස ඉදිරිපිට මල් වඩම් තැබීම සම්බන්ධයෙන් සංස්කරණය නොකළ වීඩියෝ දර්ශන අධිකරණයට ඉදිරිපත් කරන්නැයි කොළඹ...

සනත් නිශාන්තගේ බිරිඳත් මහින්දට ‘මයිනා’ කියලා

මහින්ද රාජපක්ෂ නමැති යුහ චරිතය ' මයිනා' නමින් සමාජයේ ගැරහීමට පාත්‍ර වූයේ ජනතාවගේ අනාගතය සුරක්ෂිත කිරීමට බව හිටපු අමාත්‍ය, සනත් නිශාන්තගේ බිරිඳ වන චමරි...