සංවර්ධනයේ නාමයෙන් පරිසරය විනාශ නොකරන ලෙසට අතිඋතුම් මැල්කම් කාදිනල් රංජිත් හිමියන් පවසනවා.
ශුද්ධෝත්තම ප්‍රැන්සිස් පාප්වහන්සේ මීට වසර දෙකකට පෙර විශේෂ විශ්ව ලේඛණයක්ද ඉදිරිපත් කරමින් පරිසරය විනාශ කිරීමේ විපාක පිළිබදව විස්තර කර ඇති බවද උන්වහන්සේ සදහන් කළා.
අගරදගුරු නිවසේ මාධ්‍ය අමතමින් උන්වහන්සේ සදහන් කළේ සංවර්ධනය මනුෂ්‍යයා හට අවශ්‍ය නමුත් සංවර්ධනය යනු පරිසරයට විරුද්ධව ගොස් ඇතිකරගත යුතු දෙයක් නොවන බවයි.
එබැවින් විදේශීය සමාගම්වලට හෝ මෙරට සිටින ධන කුවේරයන්ට අවශ්‍ය ආකාරයෙන් පරිසරය විනාශ කරමින් සිදුකරන සංවර්ධන ව්‍යාපෘති සදහා ඉඩ ලබානොදිය යුතු බව කාදිනල් හිමියන් පවසනවා.
දේශපාලන නායකයන්ට වසර 5 ක් සදහා රට භාරදී ඇත්තේ භාරකාරයන් ලෙස ක්‍රියාකිරීමට මිස අයිතිකාරයන් ලෙස ක්‍රියාකිරීමට නොවන බවද උන්වහන්සේ වැඩිදුරටත් සදහන් කළා.
ඊට අදාල දර්ශන පහතින්,
