මෙරට ආර්ථිකට ගොඩ නැඟීම සඳහා යථාර්තවාදී වැඩපිළිවෙළක් ඇත්තේ සමඟි ජන බලවේගයට පමණක් බව පාර්ලිමේන්තු මන්ත්‍රී හර්ෂ ද සිල්වා මහතා පවසනවා.
සමඟි ජන බලවේගයේ මැයි දින රැළිය අමතමින් ඊයේ (01) ඔහු මේ බව ප්‍රකාශ කළා.
වෙනත් කිසිදු පාර්ශවයකට ඒ සඳහා සැලැස්මක් නොමැති බවත් එසේ නොමැති කම හේතුවෙන් ඔවුන් විවාදයකට එළඹීම ප්‍රතික්ෂේප කරන බවත් හර්ෂ ද සිල්වා මහතා මෙහිදී පවසා සිටියා.
එහිදී වැඩිදුරටත් අදහස් දක්වූ හර්ෂ ද සිල්වා මහතා,
“අපේ බලාපොරොත්තුව සජිත් ප්‍රේමදාස මහතාගේ පළවෙනි ධූර කාලය වන අවුරුදු 5 ඇතුළත අතරතුර රැකියා සහ ව්‍යවසායක අවස්ථා ලක්ෂ 10- 15 ත් අතර ප්‍රමාණයක් නිර්මාණය කරන්න… අපේ දේශපාලන දර්ශනය සමාජ ප්‍රජාතන්ත්‍රවාදය, අපේ ආර්ථික ක්‍රමය සමාජ වෙළඳපොළ ක්‍රමය. එක පැත්තකින් අපි ආර්ථික නිදහස් සියලු දෙනාට ලබා දෙන අතරේ අනිත් පැත්තෙන් දේශපාලන නිදහස ලබා දෙනවා.අද ලක්ෂ 220න් ලක්ෂ 70 ක් වේල් තුන කන්න බැරි තත්වෙක ඉන්නෙ, මේ දරිද්‍රතාවය නැති කරන්න අපි බර අවි යොදවනවා”
