මූල්‍ය අරමුදලෙන් ඩොලර් මිලියන 300 ක ණයක් බලාපොරොත්තු වන රට පසුගිය වසරේ කිරි අල ඇතුළු මෙරට වැවෙන බෝග කිහිපයක් ගෙන්වන්නට ඩොලර් මිලියන 295 ක් වැය කොට ඇතැයි පොදුජන පෙරමුණේ කොළඹ දිස්ත්‍රික් මන්ත්‍රී මධුර විතානගේ මහතා පාර්ලිමේන්තුවේ දී පවසා සිටියා.
මෙලෙස ඩොලර් වැය කර සුදු ලූනු ,අල,කජු,ගොරකා ,තක්කාලි,ගස්ලබු කොමඩු, කිරි අල,අන්නාසි ,මෑ කරල්,කජු ආදියද ගෙන්වා තිබෙන බව මන්ත්‍රීවරයා සඳහන් කළා.
ආණ්ඩු පක්ෂයේ හිටියාට බොරුවට පම්පෝරි ගහන්න එපා යැයි ඇමතිවරුන්ට කියන බව පැවැසූ මන්ත්‍රීවරයා අමාත්‍යංශ වලට ජනපති වෙන් කළ මුදල් වලින් තමන්ගේ යුතුකම ඉටුකරන්න ලෙස ඉල්ලා සිටින බවද මන්ත්‍රීවරයා පවසා සිටියා
එසේ නැතුව තවදුරටත් කිරි අල, මඤ්ඤොක්කා, බතල ගෙන්වන ආර්ථිකයක් හදා වැඩක් නොමැති බව පැවසු විතානගේ මහතා මහ පොළොවේ වැවෙන බෝග ටික වවා ගන්නේ නැතිව පොළොව යට තියෙන ඛනිජ ගැන සෙවීමෙන් වැඩක් නොමැති බව සඳහන් කළා.
කිරි අල ,මඤ්ඤොක්කා ගෙනැවිත් රටේ තිබෙන ඩොලර් පිටරට වෙත යවන්න උත්සාහ කරනවා නම් එය සැමගේ අවාසනාව බවත් තමන්ට බාර දී තිබෙන කාර්ය සාධනය නිසි පරිදි කරන්න ලෙසත් වැඩිදුරටත් මන්ත්‍රී මධුර විතානගේ මහතා පාර්ලිමේන්තුවේ දී පවසා සිටියා.
