තහවුරු නොකළ බුද්ධි තොරතුරු පිළිබඳ අනියත බියක් ඇතිකර නොගන්නා ලෙස ආරක්ෂක අමාත්යංශය ජනතාවගෙන් ඉල්ලා සිටිනවා.
අද (05) සහ හෙට (06) දෙදින තුළ ‘කළු ජූලිය’ සනිටුහන් කරමින් ත්රස්ත ප්රහාරයක් එල්ල වීමට නියමිත බවට සමාජ මාධ්ය වල පළවූ පුවත් වලට ප්රතිචාර දක්වමින් ආරක්ෂක අමාත්යංශය මෙම නිවේදනය නිකුක් කර තිබෙනවා.
ඒ අනුව, පොලිස්පතිවරයා විසින් ආරක්ෂක ලේකම් වෙත යොමුකරන ලද ලිපියකට ප්රතිචාර වශයෙන් එම අමාත්යංශය විසින් නිවේදනය කරන්නේ, මේ පිළිබඳව මෙම බුද්ධි අංශ විසින් ලබා දුන් තහවුරු නොකරන ලද තොරතුරු සැලකිල්ලට ගෙන ඇති බවයි. මෙවන් ප්රහාරයකට අදාළව කිසිඳු පදනම් තොරතරක් නොමැති බව ද එම නිවේදනයේ සඳහන්.
රාජ්ය විරෝධී කණ්ඩායම් විසින් ජනතාව කුපිත කිරීම සහ රජය අස්ථාවර කිරීමට ද මෙවන් පුවත් යොදා ගැනෙන බව ආරක්ෂක අමාත්යංශය චෝදනා කර සිටිනවා.
මහජන ආරක්ෂාව තහවුරු කිරීම සඳහා ඉහළ ප්රමුඛතාවක් ලබා දෙන බැවින් ලැබී ඇති බුද්ධි තොරතුරු පිළිබඳව පරීක්ෂණ පවත්වන බවත්, ඉහළ ආරක්ෂාවක් තහවුරු කිරීමට සියලු ක්රියාමාර්ග ගන්නා බවද එකී නිවේදනයේ සඳහන්.