බීබීසී මාධ්‍යවේදී ෂර්ලි උපුල් කුමාර් මහතාගෙන් පාස්කු ඉරුදින ප්‍රහාරය සම්බන්ධයෙන් සොයා බලන ජනාධිපති කොමිසමට අනුයුක්ත පොලිස් ඒකකය මගින් නොවැම්බර් 24 වන දින ප්‍රකාශයක් සටහන් කර ගෙන ඇත.
ඒ, පාස්කු ඉරිදා ප්‍රහාරයෙන් අනතුරුව හිටපු ජනාධිපති මෛත්‍රීපාල සිරිසේන සමග ඔහු කළ සම්මුඛ සාකච්ඡාවක් සම්බන්ධයෙන්ය. බීබීසී සිංහල සේවයේ විඩීයෝ මාධ්‍යයෙන් සිදු කළ අදාල සංවාදය කොමිසම හමුවේ ප්‍රදර්ශනය කිරීමෙන් අනතුරුව නැගුනු ප්‍රශ්ණ වලට පිළිතුරු දෙමින් මෛත්‍රිපාල සිරිසේන හිටපු ජනාධිපතිවරයා පවසා ඇත්තේ, තමන් පැවසූ දෑ විකෘති කරමින් අදාල වැඩසටහන සංස්කරණය කර ඇති බවය.
එමෙන්ම අදාළ සංවාදය සිදුකළ මාධ්‍යවේදියා මාධ්‍ය සදාචාරය උල්ලංඝනය කරමින් කටයුතු කළ බවත් මෛත්‍රිපාල සිරිසේන එහිදී පවසා ඇත. ඒ අනුව අදාල මාධ්‍යවේදියාව කොමිසමේ පොලිස් ඒකකයට කැඳවා ඇත.
සිරිසේන මහතාගේ අදාල ප්‍රකාශයෙන් අනතුරුව අදාල මාධ්‍යවේදියාගෙන් ඒ පිළිබඳව පැය 2ක් පමණ ප්‍රශ්ණ කර ඇත.එහිදී ඔහු පවසා ඇත්තේ සිරිසේන මහතා සිදුකළ ප්‍රකාශ කිසිදු විකෘති කිරීමකින් තොරව, ඉතා වගකීමෙන් සමාජ ගත කළ බවය. ඉන්පසුව අදාල පොලිස් ඒකකයෙන් ප්‍රශ්ණ කර ඇත්තේ මෙම සාකච්ඡාව අතරතුර දී හෝ අවසානයේ දී හිටපු ජනාධිපතිවරයා යම් කේන්ති ගැනීමක් හෝ අමනාප වීමක් සිදු වුණාදැයි ප්‍රශ්න කර තිබිණ. එහිදී ඔහු සඳහන් කර ඇත්තේ, පාස්කු ප්‍රහාරයට අදාළ ප්‍රශ්නය විමසන අවස්ථාවේ දී කිසියම් නොසන්සුන්තාවයක් පෙනෙන්නට තිබුණද කිසිදු අමනාපයක් හෝ කේන්ති ගැනීමක් හිටපු ජනාධිපති සිරිසේන පෙන්නුම් නොකළ බවය.
අදාල සාකච්ඡාව
