ගල්කිස්ස – ටෙම්පලර්ස් පාරේ දෙවියානි ද අල්විස් නැමැත්තියකට අයත් නිවසක කලක පටන් සිදුකරගෙන යන අනවසරෙන් විදුලිය ලබාගැනීමේ සිදුවීමක් සම්බන්දයෙන් නීතිය නිසිපරිදි ක්‍රියාත්මක නොවන බවට ප්‍රදේශවාසීන් චෝදනා කරනවා.
2100298402 යන විදුලි පාරිභොගික ගිණුමට අයත් මෙම නිවසේ විදුලිය ලබාගැනීමේදී මහාපරිමාණයෙන් සිදුව ඇතැයි කියන මෙම වංචාව සම්බන්දයෙන් නඩු අංක B439/21 යටතේ ගල්කිස්ස මහේස්ත්‍රාත් අධිකරණයේ නඩුවක්ද විභාග වෙමින් පවතිනවා.
ප්‍රදේශවාසීන් රත්මලාන ප්‍රාදේශීය විදුලි ඉංජිනේරුවරයා හට පෙත්සමක් ඉදිරිපත් කරමින් සදහන් කර ඇත්තේ මීට අදාල විමර්ශන කටයුතු සිදුවන ආකාරය පිළිබදව තමන් හට කිසිසේත් සෑහීමකට පත්විය නොහැකි බවයි.
මෙම නිවස අයත් කාන්තාව හා සම්බන්ද පෞද්ගලික නාලිකාවක හිමිකරුවෙකුගේ බලපෑම මත අදාල විමර්ශන අයාලේ යමින් පවතින බවට ප්‍රදේවාසීන් චෝදනා කරනවා.
ඒ අනුව එම නාලිකාවේ සුළු සේවකයෙකු සම්බන්ද කරමින් ඔහුට විරුද්ධව අදාල නඩුව පවරා ඇති බවට අදාල පෙත්සමෙන් ප්‍රදේශවාසීන් පෙන්වා දෙනවා.
මීට පෙර 2012 වසරේදීත් අදාල නිවසේ විදුලි වංචාවක් සිදුවී ඊට වෙනත් පුද්ගලයෙකු පිට වරද පටවා දඩ මුදලක් ගෙවීමෙන් සිදුවීම සමතයකට පත්කරගෙන තිබෙනවා.
