ලෝක කුසලාන විස්සයි විස්ස තරඟාවලියේ සුපිරි 12 වටයේ ශ්‍රී ලංකාව සහභාගී වූ අවසන් තරඟයෙන් ද එංගලන්තය හමුවේ කඩුලු 4කින් පරාජයට පත් වුණා.
කාසියේ වාසිය දිනාගත් ශ්‍රී ලංකා කණ්ඩායම සිඩ්නි පිටියේ පළමුව පන්දුවට පහර දීමට තීරණය කළා.
ඒ අනුව ශ්‍රී ලංකා කණ්ඩායම නියමිත පන්දුවාර 20 අවසානයේ කඩුලු 8කට ලකුණු 141ක් ලබා ගැනීමට සමත් වුණා.
ශ්‍රී ලංකාව වෙනුවෙන් පැතුම් නිස්සංක පන්දු 45කදී හයේ පහර 5ක් සහ හතරේ පහර 2ක් සමඟ ලකුණු 67ක් ලබා ගත්තා.
එංගලන්ත පන්දු යවන්නන් අන් කිසිඳු ශ්‍රී ලංකා පිතිකරුවෙකුට පිටියේ ස්ථාවර වීමට අවස්ථාව ලබා නොදීමට වග බලා ගත්තා.
පන්දු යැවීමේදී මාර්ක් වුඩ් කඩුලු 3ක් දවා ගැනීමට සමත් වුණා.
ලකුණු 142ක පහසු ඉලක්කයක් හඹා ගිය එංගලන්ත කණ්ඩායම පන්දුවාර 19යි පන්දු 4කදී කඩුලු 4ක් අතැතිව ජයග්‍රාහී ඉලක්කයක් පසුකර ගියා.
විටෙක එංගලන්ත ලකුණු පුවරුව ලකුණු 75කට කිසිවෙකු නොදැවී තරඟයේ පාලනය සියතට ගෙන සිටි නමුත් වනිඳු හසරංග ඇතුළු ශ්‍රී ලංකා දඟ පන්දු යවන බලඇණිය ක්‍රියාත්මක වීම සමඟ තරඟයේ වාසිය කණ්ඩායම් දෙක අතරම දෝලනයට ලක් වුණා.
කෙසේ වෙතත් එක් අන්තයක සිටිමින් ඉවසිලන්ත පිතිකරණයක යෙදුණු බෙන්ස් ස්ටොක් පන්දු 36කදී ලකුණු 42ක් ලබා ගනිමින් කණ්ඩායමට අවශ්‍යව තිබු ජයග්‍රහණය ලබාදීමට සමත් වුණා.
ඒ අනුව සත්කාරක ඕස්ට්‍රේලියා කණ්ඩායමේ අවසන් පුර්ව වට සිහින බොඳ කරමින් එංගලන්තය නවසීලන්තය සමඟ පළමු කාණ්ඩයේ අවසන් පුර්ව වටයට සුදුසුකම් ලබා ගැනීමට සමත් වෙනවා.
