යූරෝ කුසලාන පාපන්දු තරඟාවලියේ අර්ධ අවසන් පූර්ව වටයේ තෙවැනි තරඟය පැවැත්වුණේ ඩෙන්මාර්කය සහ චෙක් ජනරජය අතරයි.
යුරෝ කුසලාන තරඟාවලියක මෙම කණ්ඩායම් දෙක එකිනෙකා මුණගැසුණු තෙවන අවස්ථාව මෙය වන අතර මීට පෙර අවස්ථා දෙකේදීම ජයගත්තේ චෙක් ජනරජයයි.
තරඟය ආරම්භ වී ගත වූ 5වන මිනිත්තුවේදීම ගෝලයක් ලබා ගත් Thomas Delaney ඩෙන්මාර්කයට ප්‍රබල ආරම්භයක් ලබා ගත්තා.
තරඟයේ 42වන මිනිත්තුවේදී තවත් ගෝලයක් ලබා ගත් Kasper Dolberg පළමු අර්ධය නිමා වන විට 2-0 ක් ලෙස ඩෙන්මාර්කයට තරඟයේ සියලු ගෞරව අත්කර දුන්නා.
දෙවන අර්ධය ආරම්භ වී සුලු වේලාවකින්ම ඩෙන්මාර්ක දැල ආක්‍රමණය කළ Patrik Schick චෙක් ජනරජය වෙනුවෙන් පළමු ගෝලය ලබා ගත්තා.
නමුත් තරඟයේ ඉතිරි කාලය තුලම සිය දැල ආක්‍රමණය කරන්නට ඩැනිෂ් ක්‍රීඩකයන් ඉඩ ලබා දුන්නේ නැහැ.
ඒ අනුව නියමිත කාලය නිමාවන විට 2-1 ක් ලෙස තරඟය ජයගත් ඩෙන්මාර්කය වසර 29කට පසු යූරෝ කුසලාන තරගාවලියක අවසන් පූර්ව වටයට පිවිසියා.
