අතිඋතුම් පාප් වහන්සේද පාස්කු ප්‍රහාරයෙන් අගතියට පත්වූ ජනතාවට සාධාරණය ඉටුවිය යුතුය යන මතය වෙනුවෙන් පෙනී සිටින බව කොළඹ අදරදගුරු මැල්කම් රංජිත් කාදිනල්තුමන් පවසනවා.
කඩවත සාන්ත ඇන්ඩෲ අචිලීන දෙව්මැදුරේ ඊයේ (19) පැවති වාර්ෂික මංගල්‍ය උත්සවයේ විශේෂ දේව මෙහෙයේදී උන්වහන්සේ මේ බව ප්‍රකාශ කළා.
කාදිනල්තුමන් එහිදී වැඩිදුරටත් සඳහන් කර ඇත්තේ ඒ අනුව, ඒ සම්බන්ධයෙන් සිදු කිරීමට නියමිත ජාත්‍යන්තර පරීක්‍ෂණයක් පැවැත්වීම කඩිනමින් ඇරඹෙනු ඇති බවයි.
මෙම ප්‍රහාරයට යුක්තිය ඉටුනොවුණු නිසා ඡන්දදායකයන් ඉදිරි ඡන්දවලදී ඊට වගකිවයුතු අයට මෙන්ම ඊට පසුබිම හැදූ අයටත් පිළිතුරක් දෙනු ඇති බවද කාදිනල්තුමා මෙහිදී සඳහන් කර තිබෙනවා.
