හෙරොයින් මත්ද්රව්ය අලෙවි කරමින් සිටි බව පැවසෙන සුරා බදු නිලධාරියකු සහ පෞද්ගලික බැංකුවක සහකාර කළමනාකරුවෙකු ඇතුළු පස් දෙනෙකු අලවතුගොඩ පොලිසිය මගින් අත්අඩංගුවට ගෙන තිබෙනවා .
හෙරොයින් මත්කුඩු අලෙවි කරමින් සිටි පුද්ගලයකු අලවතුගොඩ පොලිසිය මගින් අත්අඩංගුවට ගෙන ඔහුට මත්කුඩු ලැබෙන ආකාරය සම්බන්ධයෙන් සිදු කළ ප්රශ්න කිරීම්වලදී ඔහුට එම මත්කුඩු ලබාදෙන පුද්ගලයා සම්බන්ධයෙන් කරුණු අනාවරණය කළ බව පොලිසිය පවසනවා.
ඒ අනුව පොලිසිය විසින් උපාය දූතයෙකු යොදවා මත්කුඩු මිලදී ගන්නා අවස්ථාවේ දී අනෙක් සැකකරු අත්අඩංගුවට ගෙන තිබෙනවා .
ඔහුගෙන් සිදුකළ ප්රශ්න කිරීම් වලදී ඔහු කොළඹ සුරාබදු ප්රධාන කාර්යාලයේ රාජකාරියේ නියුතු සුරා බදු නිලධාරියකු බව අනාවරණය වු බව පොලිසිය පවසනවා .
අත්අඩංගුවට ගත් සුරා බදු නිලධාරියාගේ සන්තකයේ තිබී හෙරොයින් මත්කුඩු, අයිස්, ගංජා, ඩිජිටල් තරාදියක් මුදලින් රුපියල් දස දහසක් ඇතුළු භාණ්ඩ තොගයක් සොයාගෙන තිබෙනවා.