මත්ද්රව්ය වැටලීමක් අතරතුර අණ නොතකා පළායමින් සිටි ජාවාරම්කරුවන් පිරිසක් ගමන්ගත් මෝටර් රථයකට බම්බලපිටිය ප්රදේශයේදී වෙඩි තැබීමේ සිද්ධිය සම්බන්ධයෙන් පවරා තිබූ නඩුවෙන් සැකකාර සුරාබදු නිලධාරීන් 4 දෙනා නිදොස්කොට නිදහස් කර තිබෙනවා.
ඒ ඊට අදාළ නඩුව කොළඹ අතිරේක මහේස්ත්රාත් මංජුල රත්නායක හමුවේ ඊයේ (11) කැඳවූ අවස්ථාවේදී.
ඉදිරි විමර්ශන සිදු කිරීමට තරම් ප්රමාණවත් සාක්ෂි නොමැති බව චෝදනා ගොනු කළ බම්බලපිටිය පොලිසිය කරුණු දක්වමින් අධිකරණයට දැනුම් දී තිබෙනවා.
ඒ අනුව අතිරේක මහේස්ත්රාත්වරයා සුරාබදු දෙපාර්තමේන්තුවේ නිලධාරීන් 4 දෙනා නිදොස් කොට නිදහස් කර තිබෙන බව සඳහන්.
පසුගිය මස 7 වනදා බම්බලපිටිය මුහුදු මාවත ප්රදේශයේ දී මත්ද්රව්ය වැටලීමක් අතරතුර සැකකරුවන් පැමිණි මෝටර් රථයට වෙඩි තබා තිබූ අතර ඉන් කිසිවෙකුටත් හානි සිදු නොවු අතර ඔවුන් පැමිණි මෝටර් රථය මහ මග දමා ගොස් තිබියදී සොයාගෙන තිබුණා.