නිෂ්පාදන ප්‍රමාණය අඩු වුවද 2023 වසරේ සමාන කාල පරිච්ඡේදයට සාපේක්ෂව සුරාබදු දෙපාර්තමේන්තුව වාර්ෂිකව 26%ක ආදායම් වැඩි වීමක් වාර්තා කර තිබෙනවා.
සුරාබදු භාණ්ඩ සඳහා ඇති ඉල්ලුම අඩු වුවද, මෙම වසරේ මුල් මාස 4 තුළ එම දෙපාර්තමේන්තුව විසින් එකතු කරන ලද නිෂ්පාදන බද්දට සාපේක්ෂව වසරකට 26%ක සුරා බදු වැඩි වීමක් සාර්ථකව වාර්තා කර ඇති බව සුරා බදු කොමසාරිස් ජනරාල් එම්.ජේ.ගුණසිරි ප්‍රකාශ කළා.
සුරාබදු ගාස්තු ඉහළ නැංවීම සහ දෙපාර්තමේන්තුවේ බදු පරිපාලන ප්‍රයත්නය මෙයට හේතු වූ බව ඔහු පෙන්වා දුන්නා.
ඔහු පෙන්වා දුන්නේ, 2024 වසරේම 15%ක මිල වැඩිවීමක් සමඟ පසුගිය වසර දෙක තුළ සුරාබදු ගාස්තු තියුණු ලෙස ඉහළ යාම සුරාබදු භාණ්ඩ සඳහා ඇති ඉල්ලුමට අහිතකර ලෙස බලපෑ අතර එහි ප්‍රතිඵලයක් වශයෙන්, සියලුම සුරා බදු භාණ්ඩවල නිෂ්පාදන පරිමාවන් 2022 දී වාර්තා වූ පරිමාවන්ට වඩා පිටු පසින් පවතින බවයි.
එහිදී වැඩිදුරටත් අදහස් දැක්වූ ඔහු,
“අපි තවමත් 2022 නිෂ්පාදන පරිමාවට ළඟා වී නෑ. කෙසේ වෙතත්, මිල වැඩිවීම සහ අපගේ ක්‍රියාවන් 2023 හා සසඳන විට 2024 පළමු මාස හතර තුළ 26% ආදායම් වැඩි වීමක් ලබා ගැනීමට අපට හැකියාව පවතිනවා. 2024 වසරේ මුල් මාස හතර තුළ සුරාබදු දෙපාර්තමේන්තුව ඉපැයූ ආදායම මේ වසර ආරම්භයේ දී ඇති කළ ඉලක්ක සමඟ සංසන්දනය කිරීමේදී දෙපාර්තමේන්තුව ආදායම් ඉලක්කයෙන් 98%ක් සපුරලා තියෙනවා.”
එමෙන්ම බීඩි නිෂ්පාදකයින් සුරා බදු බදු වගකීම් වලට අනුකූලව කටයුතු කිරීම සම්බන්ධයෙන් දෙපාර්තමේන්තුව දැඩි ස්ථාවරයක සිටින බවත්, නියමිත වේලාවට බදු ගෙවීමට අපොහොසත් වුවහොත් එවැනි නිෂ්පාදකයින් සඳහා දෙපාර්තමේන්තුවේ ලියාපදිංචිය අවලංගු කරන බවත්, ඔහු සදහන් කළා.
