25.3 C
Colombo
Monday, March 4, 2024

චීන කොරෝනා වැක්සින්වල සාර්ථකභාවය පිළිබඳ විශේෂඥයින් දෙගිඩියාවෙන්

- Advertisement -

චීනයේ නිෂ්පාදනය කර බෙදාහරින කොවිඩ් වැක්සීන්වල සාර්ථකභාවය පිළිබඳ ගැටලු සහගත තත්ත්වයක් මතුව ඇති බව නිව්යෝර්ක් ටයිම්ස් පුවත්පත වාර්තා කරයි.

සයිනොෆාම් සහ සයිනොවැක් යන චීන එන්නත් දෙක යොදාගෙන ජනගහනයෙන් අඩකටත් වඩා එන්නත්කරණයට ලක් කළ රටවල් කිහිපයක, පසුගිය සතිදෙක තුළදී නව කොවිඩ් ආසාදිතයන් අසාමාන්‍ය ලෙස ඉහළයාම මෙම සැකයට හේතුවී තිබේ.

මේ වනවිට සපේක්ෂව ලෝකයේ වැඩිම ජන ප්‍රතිශතයක් එන්නත්කරණයට ලක් කර ඇත්තේ සීෂෙල්ස් රාජ්‍යයයි.

මොං⁣ගෝලියාව, චීලී සහ බහරේන් යන රටවල්ද ඉහළ එන්නත්කරණය ප්‍රතිශතයක් වාර්තා කර ඇති අතර එම රටවල් හතරේ එන්නත්කරණ ප්‍රතිශතය ජනසංඛ්‍යාවෙන් 50% ත් 68% ත් අතර වේ.

කෙසේවෙතත්, එන්නත්කරණය සදහා මූලිකවම චීන එන්නත් භාවිතා කළ එම රටවල හතරේම පසුගිය සතිදෙක තුළ නව ආසාදිතයන්ගේ අසාමාන්‍ය වැඩවීමක් පවතින බව නිව්යෝර්ක් ටයිම්ස් වාර්තා වේ දැක්වේ.

හොංකොං විශ්ව විද්‍යාලයේ වෛරසවේදය පිළිබද අචාර්ය ජින් ඩොන්ග්යැ සදහන් කරන්නේ මෙම වැඩවීම් රටාව අනුව එන්නතේ සාර්ථකභාවය පිළිබද ගැටලුවක් මතුවන බවයි.

මේ සම්බන්ධයෙන් චීනයේ අදාළ බලධාරීන් වැඩිදුර කරුණු සොයාබැලිය යුතු බවද ඔහු සදහන් කර තිබේ.

සංසංදනාත්මකව වැඩිදුරටත් කරුණු දක්වන නිව්යෝර්ක් ටයිම්ස් පුවත්පත, ෆයිසර් සහ මෝදනා වැනි එන්නත් භාවිතා කළ රටවල ආසාදිතයන් වැඩිවීමේ මෙවැනි රටා නැති බවද පෙන්වා දේ.

එම එන්නත් යොදාගෙන ජනසංඛ්‍යාවෙන් 45%ක් එන්නත්කරණය කර ඇති ඇමරිකා එක්සත් ජනපදයේ අසාදිතයන් වාර්තා වීම 94% කින් අඩුවී ඇති අතර ජනසංඛ්‍යාවෙන් 58%ක් එන්නත් කළ ඊශ්‍රායලයේ නව අසාදිතයන් වාර්තාවීම 4.95%ක් තරම් අඩු මට්ටමකට පත්ව තිබේ.

ලෝකයේ රටවල් 90ක් පමණ චීන එන්නත් භාවිතා කරන බවත්, එහි සාර්ථකභාවය ප්‍රශ්නකාරීවීම , ලෝකයේ කොවිඩ් මර්දනය ප්‍රමාද කර සමාජ,ආර්ථික ආදී ගැටලු රැසක් ඇති කරනු ඇති බවත් නිව්යෝර්ක් ටයිම්ස් පුවත්පත වැඩිදුරටත් වාර්තා කර තිබේ.

RECENT ARTICLES - SINHALA

මේක නාමල්ගෙ වෙලාව නෙමෙයි-රණතුංග මහතා

පොහොට්ටුව ජනාධිපතිවරණයට අපේක්ෂකයකු ඉදිරිපත් කරන්නේ නම් ඔහු වත්මන් ජනාධිපති රනිල් වික්‍රමසිංහට වඩා අති දක්ෂයකු විය යුතු බව ආණ්ඩු පක්ෂ ප්‍රධාන සංවිධායක, අමාත්‍ය ප්‍රසන්න රණතුංග...

රියදුරු බලපත්‍ර ගන්න අයට දැනුම්දීමක්

මෝටර් රථ ප්‍රවාහන දෙපාර්තමේන්තුව සපයන සේවාවන් සඳහා ස්වයංක්‍රීය දුරකථන පද්ධතියක් යටතේ සහ වෙබ් අඩවිය වෙත පිවිස සිය අවශ්‍යතා සපුරාගැනීමට අද (04) සිට මහජනතාවට අවස්ථාව...

ජනපතිගෙන් අති විශේෂ ගැසට්ටුවක්

විදුලිබල සහ ඛනිජ තෙල් සැපයුම තවදුරටත් අත්‍යවශ්‍ය සේවාවන් බවට පත් කරමින් ගැසට් නිවේදනයක් නිකුත් කර තිබෙනවා. ජනාධිපතිවරයාගේ නියමය පරිදි ජනාධිපති ලේකම් සමන් ඒකනායක විසින් ඊයේ...

POPULAR ARTICLES

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

විභාග දෙපාර්තමේන්තුවෙන් දැනුම්දීමක්

2024 වර්ෂය තුළ පැවැත්වීමට නියමිත පාසල් විභාග හා ඒවා පැවැත්වෙන දිනයන් විභාග දෙපාර්තමේන්තුව විසින් ප්‍රකාශයට පත්කර තිබෙනවා. ඒ අනුව 2023 වර්ෂයට අදාළව පැවැත්වීමට නියමිතව තිබූ...

අද ඩොලරය

ඇමෙරිකානු ඩොලරයට සාපේක්ෂව රුපියලේ අගය අද තවදුරටත් ශක්තිමත් වී තිබෙනවා. ශ්‍රී ලංකා මහ බැංකුව විසින් අද (01) දින නිකුත් කරන ලද දෛනික විනිමය අනුපාතික සටහනට...