කොළඹ වරාය ආසන්නයේ දී ගිනි ගෙන මුහුදු බත් වූ එක්ස්ප්‍රස් පර්ල් නෞකාවෙන් සිදුවූ හානිය සම්බන්ධයෙන් වන්දි ලබා ගැනීමට ශ්‍රී ලංකා රජය ගොනුකළ අද (09) සිංගප්පුරුව මහාධිකරණයේ දී පළමු වරට විභාගයට ගැනීමට නියමිතයි.
ශ්‍රී ලංකා රජය වෙනුවෙන් සිංගප්පුරුව නීති සමාගමක් මේ වෙනුවෙන් ඉදිරිපත් වෙන බවයි වාර්තා වන්නේ.
2021 වසරේ මැයි මස 20 වනදා ගිනි බත් වූ මෙම නෞකා අනතුර මෑතකදී සිදුවූ විශාලතම සමුද්‍රීය පාරසරික අනතුර ලෙස සැලකුණු ද ඊට එරෙහිව නඩු පැවරීම ප්‍රමාද වීම සම්බන්ධයෙන් විවේචනය එල්ල වුණා.
පසුගියදා මෙම නඩුව නීතිපති දෙපාර්තමේන්තුව මඟින් සිංගප්පුරුව මහාධිකරණයේ ගොනු කරන ලද අතර ඒ අනුව මෙම නඩුව අද (09) දින කැඳවීමට නියමිතයි.
විශේෂඥ අධ්‍යයන වාර්තාවට අනුව සිදුව ඇති සමස්ත හානිය ඇමෙරිකානු ඩොලර් බිලියන 6.4කට තක්සේරු කර ඇති අතර එම වන්දි මුදල ලබා ගැනීම සඳහා මෙසේ සිංගප්පූරුවේ මෙම නඩුව පවරා තිබෙනවා.
