කොවිඩ් වසංගතය හමුවේ ජනාධිපතිවරයා දක්ෂ ලෙස පරිපාලනය කරමින් හෝ සිටින බවත් ජනාධිපතිවරණයෙන් සහ මහමැතිවරණයෙන් ෆේල් වී ඇත්තේ සජිත් ප්‍රේමදාස මහතා බවත් ක්‍රීඩා හා තරුණ කටයුතු අමාත්‍ය නාමල් රාජපක්ෂ මහතා පවසා ඇත.
අමාත්‍යවරයා මේ බව පවසා ඇත්තේ නොවැම්බර් 14 දින මහනුවර ප්‍රදේශයේදී මාධ්‍යවේදීන් නැඟූ ප්‍රශ්නයකට පිළිතුරු දෙමින්ය.
“කිසිසේත් පාස්ද ෆේල්ද කියන්න කාරණයක් නෙවෙයි මේක. එහෙනම් ලෝකෙම ෆේල් කියන්න එපැයි. අඩුගාණෙ අපේ ජනාධිපතිතුමා දක්ෂ විදියට මේක පරිපාලනය කරනවා. අද කොවිඩ් වසංගතය පාලනය කරන ගමන් රට ඇරලා තියන්න එතුමා උත්සාහ කරනවා. ඉතිං පාස් කියන්නෙ රට වහලා තිබ්බොත්ද? දැන් රට වහලා යූඑන්පී එකට ඕනෙ විදියට ආර්ථිකය වට්ටන්න, මිනිස්සුන්ට කන්න නැතිවෙනවා නම්, මිනිස්සු බඩගින්නෙ මැරෙනවා නම් අන්න ගෝඨාභය රාජපක්ෂ පාස් කියයි. මොකද එයාලානේ එතකොට පාස් වෙන්නේ. යූඑන්පී එක තමයි ෆේල්. සම්පූර්ණයෙන්ම සජිත් ප්‍රේමදාස මහත්තයලා ෆේල්. ජනාධිපතිවරණෙදිත් ෆේල්, පාර්ලිමේන්තු මැතිවරණයේදිත් ෆේල්, පාර්ලිමේන්තුව ඇතුළෙදිත් ෆේල්.
