එළඹෙන අප්‍රේල් 8 වැනිදා පූර්ණ සූර්ය ග්‍රහණයක් සිදු වන බව ඇමරිකාවේ නාසා ආයතනය පවසනවා.
2024 වසරේ පළමු චන්ද්‍රග්‍රහණය මාර්තු 25 වැනි දින හට ගත් අතර 2024 වසරේ ප්‍රථම සූර්ය ග්‍රහණය මෙලෙස සිදු වීමට නියමිතයි.
සූර්යයාගේ කොටසක් හෝ සූර්යයා සම්පූර්ණයෙන්ම හෝ වැසී යන පරිද්දෙන් සූර්යයා සහ පෘථිවිය අතරින් සඳ ගමන් කරන අවස්ථාවකදී සූර්ය ග්‍රහණය හට ගන්නා අතර එය ඉතා දුර්ලභ සිදුවීමක් වශයෙන් හඳුනා ගත හැකියි.
කෙසේවෙතත්, මෙම සූර්ය ග්‍රහණය ශ්‍රී ලංකාව වෙත දිස් වන්නේ නැහැ.
නාසා ආයතනය පවසන්නේ මෙම සූර්ය ග්‍රහණය වඩාත් හොඳින් දැක ගත හැකි වන්නේ උතුරු ඇමරිකාවට බවයි.
එමෙන්ම උතුරු ඇමෙරිකානුවන්ට මින් පසු මෙවැනි පූර්ණ සූර්ය ග්‍රහණයක් දකින්න ලැබෙනු ඇත්තේ 2044 වසරේදී බවද නාසා ආයතනය පෙන්වා දෙනවා.
