කන්තලේ භාරතීපුරම් ගම්මානයේදී මීට වසර 26කට පෙර නිරායුධ දෙමළ සිවිල් වැසියන් අටදෙනෙකු භාරතීපුරම් පොලිස් ස්ථානයට රැගෙන විත් සන්නද්ධ කණ්ඩායමක් විසින් වෙඩි තබා මරා දමන ලදැයි පැවසෙන අවස්ථාවේ එම අපරාධය සිදුවූ ස්ථානයේ සිටි බවට මහාධිකරණය හමුවේ අධිචෝදනා ලබා සිටි භාරතීපුරම් පොලිස් ස්ථානයේ ස්ථානාධිපතිවරයා ඇතුළු නිලධාරින් පස් දෙනකුට බරපතළ වැඩ සහිතව ජීවිතාන්තය දක්වා සිර දඬුවම් අනුරාධපුර මහාධිකරණය විසින් නියම කර තිබෙනවා.
මහාධිකරණ විනිසුරු මනෝජ් තල්ගොඩපිටිය මහතා විසින් පසුගිය සිකුරාදා මෙම දඬුවම නියම කළා.
විත්තිකාර පොලිස් නිලධාරීන් දෙදෙනකු පමණක් චෝදනාවෙන් නිදොස් කොට නිදහස් කර මුදා හරින ලෙසට ද මහධිකරණ විනිසුරු මනෝජ් තල්ගොඩපිටිය මහතා තවදුරටත් නියෝග කළා.
දඬුවම් නියම වූයේ කොස්තාපල් චන්ද්රරත්න බණ්ඩාර, කොස්තාපල් නිමල් ප්රේමසිරි කෝනාර, පොලිස් පරීක්ෂක ආර්.එම්. රණරාජා බණ්ඩාර, උප පොලිස් පරීක්ෂක වයි.එල්. සෝමරත්න සහ කොස්තාපල් සෙනරත් බණ්ඩාර මැදවෙල යන පිරිසටයි.
1998 වසරේ ජනවාරි 31 වැනිදා හෝ ඊට අසන්න දිනයක ත්රිකුණාමලය මහාධිකරණ බල ප්රදේශයට අයත් කන්තලේ භාරතීපුරම්හිදී මෙම වරද සිදු කර ඇති බවට නීතිපතිවරයා විසින් හදිසි නියෝග අවස්ථා විධවිධාන පනතේ 26 (1) වගන්තිය ප්රකාරව මනුෂ්ය ඝාතනයන් සිදු කිරීමේ අදහසින් නීති විරෝධී රැස්වීමක සාමාජිකයන් ලෙස සිටි බවට විත්තිකරුවන්ට එරෙහිව ත්රිකුණාමලය මහාධිකරණය හමුවේ අධිචෝදනා ගොනු කර තිබෙනවා.