33 C
Colombo
Thursday, April 18, 2024

සිංහරාජයේ දෙල්ගොඩ රක්ෂිතයේ අක්කර 143 කට හොර ඔප්පු හදලා

- Advertisement -

සිංහරාජ අඩවියේ සුවිශේෂී වනාන්තර ප්‍රදේශයක් වන දෙල්ගොඩ රක්ෂිතය හා සම්බන්ධ අක්කර 143ක වනාන්තර භූමිය ව්‍යාජ ඔප්පු සකස් කරගත් පිරිසක් මහා පරිමාණයෙන් එළිපෙහෙළි කරමින් තේ වතාව ව්‍යාප්ත කරමින් සිටින බවට පරිසරවේදීන් චෝදනා කරනවා.

මේ වනවිට අක්කර 10 කට වඩා වැඩි භූමි ප්‍රදේශයක් එළිපෙහෙළි කිරීමට ලක්කර ඇති අතර අක්කර 143ක් සඳහා ඔප්පු සකසා ගෙන මෙසේ එළි කිරිම් කරගෙන යන බව තමන් එම ප්‍රදේශයේ කළ සොයා බැලීම්වලදී හෙළිවී යැයි ඉඩම් හා කෘෂිකර්ම ප්‍රතිසංස්කරණ ව්‍යාපාරයේ කැඳවුම්කරු සජීව චාමිකර මහතා පවසනවා.

මෙම එළිකිරීම් ආරම්භ කර ඇති අක්කර දහයකට ආසන්න ප්‍රදේශය කුකුළේ ගඟ හා සම්බන්ද කුඩව ගගේ ප්‍රධාන ජල පෝෂක වනාන්තර පද්ධතිය යැයි ඔහු සදහන් කරනවා.

කලවානේ පදිංචිකරුවකු හා පානදුර මතුගම නුවර හා කොළඹ පදිංචිකරුවන් පිරිසක් මෙම ඔප්පු සකස්කරගෙන ඇති බවත් මෙකී වනාන්තරය සිංහරාජයට සම්බන්ධ කිරීමේ කටයුතු සිදුකෙරෙමින් පැවැතියදී මෙසේ අල්ලා ගැනීමට පියවර ගෙන ඇති බවත් චමිකර මහතා පවසනවා.

1988 අංක 3 දරන ජාතික උරුම වනභූමි පනතේ 2 වැනි වගන්තියට අනුව 1988 ඔක්තෝම්බර් 21 වැනිදා අංක 528/14 දරන ගැසට් නිවේදනය මගින් හෙක්ටයාර 11,187ක වනාන්තර ප්‍රදේශයක් සිංහරාජ ජාතික උරුම වන භූමිය ලෙස ප්‍රකාශයට පත්කර ඇති අතර මෙම වනාන්තරයද එහි එක් කොටසක් වනවා.

2009 අංක 65 දරන පනතින් අවසන් වරට සංශෝධිත වන සංරක්ෂණ ආඥා පනතේ 3 වැනි වගන්තියට අනුව ප්‍රකාශිත 2019 නොවැම්බර් 20 වැනිදා අංක 2150/31 දරන ගැසට් නිවේදනය මගින් සිංහරාජ ජාතික වනභූමිය හා ඒ වටා පිහිටි වනාන්තර හෙක්ටයාර 36,475ක් සිංහරාජ වනරක්ෂිතය ලෙස ප්‍රකාශයට පත්කර විශාල වනාන්තර පද්ධතියකට ආරක්ෂාව ලබාදී ඇති අතර මෙම වනාන්තර කොටසද ඊට අයත්.

මීට අමතරව මෙම රක්ෂිත ප්‍රදේශ ආවරණය වන භූමි ප්‍රදේශ හා ඒ වටා කලාපය 1951 අංක 25 දරන පස සංරක්ෂණ පනතේ 3 වැනි වගන්තියට අනුව 2008 මැයි 22 වැනිදා අංක 1550/9 දරන ගැසට් නිවේදනය මගින් පස සංරක්ෂණ කලාපයක් ලෙස ප්‍රකාශයට පත්කර ඇත්තේ මේ කලාපය කඳුවැටි සහිත නායයාමේ අවදානමක් පවතින කලාපයක් වීම හේතුවෙන්.

ඒ අනුව ජාතික පාරිසරික පනත ඇතුළු අණපනත් ගණනාවක් උල්ලංඝනය කරමින් මෙම වන විනාශය සිදුකරන බවත් එකී වන සංහාරය සඳහා කිසිදු රාජ්‍ය ආයතනයක අවසර නොමැති අතර ඔවුන් විසින් සකසා ඇති ඔප්පුද ව්‍යාජ ඒවා බව තමන් තහවුරු කර ගත් බවත් සජීව චාමිකර මහතා වැඩිදුරටත් සදහන් කරනවා.


RECENT ARTICLES - SINHALA

ජාතික ජන බලවේගයේ පිරිසක් කාදිනල් හිමි හමුවට

'පාස්කු ඉරුදින' ත්‍රස්ත ප්‍රහාරයේ වින්දිතයන්ට යුක්තිය ඉටුකිරීම වෙනුවෙන් ජාතික ජන බලවේගය විසින් ඉදිරිපත් කරන ප්‍රතිඥාව කොළඹ අගරදගුරු අති උතුම් මැල්කම් රංජිත් කාදිනල් හිමියන් වෙත...

පාස්කු ප්‍රහාරයෙන් ජීවිත අහිමි වුවන් සිහි කරමින් විනාඩි දෙකක නිශ්ශබ්දතාවයක්

පාස්තු දින ත්‍රස්ත ප්‍රහාරයට වසර පහක් සම්පූර්ණ වන අවස්ථාවේදී එම විනාශකාරී ප්‍රහාරයෙන් මියගිය සියලු දෙනාට පිං අනුමෝදන් කිරීමට ලබන ඉරිදා (21) පෙරවරු 8.45 ට...

පරිසරයට හානි කරනවානම් මේ අංකයට කියන්න

පාරිසරික වැරදි සම්බන්ධව යම් තොරතුරක් වෙතොත් 1997 හෝ 1981 යන කෙටි දුරකථන අංක ඔස්සේ දැනුවත් කරන ලෙස පොලීසිය මහජනතාවගෙන් ඉල්ලා සිටිනවා. පරිසරය විනාශ කිරීම් සම්බන්ධව...

POPULAR ARTICLES

සාමාන්‍ය පෙළ සිසුන්ට විශේෂ දැනුම් දීමක්

2023 /24 අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටින සිසුන් සඳහා විභාග ප්‍රවේශ පත්‍ර නිකුත් කිරීම ලබන සතියේ ආරම්භ කරන බව විභාග...

අද ඩොලරය

එක්සත් ජනපද ඩොලරයට සාපේක්ෂව ශ්‍රී ලංකා රුපියල අද (15) ස්ථාවර මට්ටමක පවතිනවා. ශ්‍රී ලංකා මහ බැංකුව විසින් අද දින නිකුත් කරන ලද දෛනික විනිමය අනුපාතික...

සෞඛ්‍ය අංශවලින් දැනුම් දීමක්

උත්සව සමයේ සෞඛ්‍ය කාර්ය මණ්ඩලවල පූර්ණ කැපවීම හා දායකත්වය යටතේ රෝගී සත්කාරක සේවා කාර්යක්ෂමව හා අඛණ්ඩව පවත්වාගෙන යාම සඳහා පියවර ගෙන ඇති බව සෞඛ්‍ය...