හිටපු පොලිස්පති මහින්ද බාලසූරිය මහතා අභාවප්‍රාප්ත වී තිබෙනවා.
මිය යන විට ඒ මහතාගේ වයස අවුරුදු 68 ක්.
මෙරට තිස් දෙවැනි පොලිස්පතිවරයා ලෙස මහින්ද බාලසූරිය මහතා 2009 වසරේ නොවැම්බර් මස තුන්වැනි දින එම ධුරයට පත් කෙරුණා.
කොළඹ ආනන්ද විද්‍යාලයේ ආදි ශිෂ්‍යයෙකු වන බාලසූරිය මහතා 1978 වසරේ දී ආධුනික සහකාර පොලිස් අධිකාරීවරයෙකු ලෙස පොලිස් සේවයට එක්වුණා.
2011 වසරේ ජුනි 17 වනදා ඔහු සිය ධූරයෙන් විශ්‍රාම යනු ලැබූවා.
කටුනායක වෙළෙඳ කලාපයේ පැවති විරෝධතාවයකට වෙඩි තැබීමේ සිදුවීමකින් රොෂේන් චානක නම් තරුණයෙක් ජීවිතක්ෂයට පත්වූණා.
මෙම කළහකාරී සිදුවීමට තමන් වගකීම භාරගන්නවා යැයි පවසමින් ඔහු නියමිත විශ්‍රාම කාලයට පෙර විශ්‍රාම යනු ලැබූවා.
පසුව ඔහු මියන්මාරයේ තානාපතිවරයා ලෙස පත්කර යැවීමට එකල ආණ්ඩුව කටයුතු කරනු ලැබූවා.
