කොවිඩ් 19 වෛරසය ආසාදනයවීම හේතුවෙන් දෙමළ ජාතික සන්ධානයේ හිටපු පාර්ලිමේන්තු මන්ත්‍රී කේ. තුරෙයිරෙත්නසිංහම් මහතා අභාවප්‍රාප්ත වී තිබෙනවා.
අසනීප තත්ත්වයක් හේතුවෙන් ත්‍රිකුණාමලය රෝහලට ඇතුළත්වූ ඒ මහතා කොවිඩ් රෝග ලක්ෂණ හේතුවෙන් කන්තලේ මූලික රෝහල වෙත මාරුකර යවා තිබෙනවා.
අනතුරුව කන්තලේ මූලික රෝහලේ ප්‍රතිකාර ලබමින් සිටියදී මෙලෙස මියගොස් තිබෙනවා.
මිය යන විට ඒ මහතාගේ වයස අවුරුදු 80 ක්.
2004 පාර්ලිමේන්තු මැතිවරණයේදී ත්‍රිකුණාමලය දිස්ත්‍රික්කය නියෝජනය කරමින් ඔහු පළමුවරට පාර්ලිමේන්තුවට තේරි පත්වුණා.
කොවිඩ් හේතුවෙන් මියගිය දෙවන පාර්ලිමේන්තු මන්ත්‍රිවරයා වන්නේ කේ. තුරෙයිරෙත්නසිංහම් මහතායි.
මීට පෙර හිටපු පාර්ලිමේන්තු මන්ත්‍රීවරයෙකු මෙන්ම හිටපු කතානායකවරයෙකු වන වි.ජ.මු.ලොකුබණ්ඩාර මහතාද කොවිඩ් 19 වෛරසය ආසාදනය වී ජීවිතක්ෂයට පත්වුණා.
