නිරිතදිග චීනයට බලපෑ හදිසි ගංවතුර තත්ත්වයක් හේතුවෙන් පුද්ගලයින් සිව්දෙනෙකු ජිවිතක්ෂයට පත්ව තවත් පුද්ගලයින් 09 දෙනෙකු තුවාල ලබා ඇති බව වාර්තා වෙයි.
චීනයේ සිචුවාන් පළාතේ පිහිටි පෙන්ග්ෂු නගරය ආසන්නයේ පිහිටි ගංගාවක් නැරඹීමට පැමිණි පිරිසක් මෙම අවසනාවන්ත තත්ත්වයට මුහුණ දී ඇති බව සඳහන්.
ගංගාවේ ජල ක්‍රීඩා කරමින් විනෝදවෙමින් සිටියදි එකවර ජල මට්ටම ඉහළ යාමත් සමග එහි සිටි පිරිස් ගොඩබිම දෙසට දිව ගියත් ඇතැම් පුද්ගලයින් වේගවත් දිය පහරට හසුවී ගසා ගෙන ගොස් ඇති බව වාර්තා විය.
මේ අතර චීනයේ ඇතැම් ප්‍රාන්තවල උෂ්ණත්වය සීග්‍රයෙන් ඉහළ යෑම හේතුවෙන් එරට කාලගුණ දෙපාර්තමේන්තුව විසින් රතු නිවේදන නිකුත් කර ඇති බව සඳහන්.
විදෙස් වාර්තා සඳහන් කර සිටින්නේ ගෝලීය කාලගුණ විපර්යාසන් හේතුවෙන් චීනයට දැඩිව බලපෑම් එල්ලවී ඇති බවයි.
