අලුත්ගම සංචාරක නිකෙතනයක අවස්ථා ගණනාවකදී අධික සැර මත්වතුර පානයට දී පාසල් සිසුන් සිව් දෙනෙක් අපයෝජනයට ලක්කර ඇති බව වාර්තා වනවා.
අලුත්ගම පොලීසිය කියා සිටියේ සිද්ධියට සැකපිට පුද්ගලයින් දෙදෙනෙක් අත්අඩංගුවට ගෙන ඇති බවයි.
වයස අවුරුදු14, 15, 16 වයස් වල පසුවන සිසුන් සිව්දෙනෙක් මෙලෙස අපයෝජනයට ලක්ව තිබෙනවා.
එම සිසුන් සිව් දෙනා අධ්යාපනය ලබන පන්ති භාර ගුරුවරුන් සහ විදුහල්පතිවරයා විසින් පොලීසියට කරන ලද පැමිණිල්ලක් මත මෙම සැකකරුවන් අත්අඩංගුවට ගෙන ඇති බව සඳහන්.
පාසල් සිසුන් සිව් දෙනා සහ සැකකරුවන් දෙදෙනා කලක පටන් මුහුණු පොත සහ ටික්ටෝක් යන සමාජ මාධ්ය මාර්ගයෙන් හඳුනාගෙන අවස්ථා ගණාවක අලුත්ගම ගඟබඩ පාරේ සංචාරක නිකේතනයක් තුලට ගෙන්වා ගෙන තිබෙනවා.
එහිදී සැර මත්පැන් පානය කිරීමට එම සිසුන්ට ලබාදී ඇති අතර පසුව සිසුන්ට බරපතළ ලෙස ලිංගික අපයෝජනය කර ඇති බවයි සිද්ධියට මුහුණ දුන් සිසුන් පොලීසිය හමුවේ ප්රකාශ කර ඇත්තේ.
පාසල් විදුහල්පතිවරයා සහ ගුරුවරුන්ට මෙම සිසුන්ගේ යම් වෙනස්කම් පිළිබඳව අවධානය යොමුව තිබෙනවා.
සිසුන්ගේ කරුණු විමසීමේදී මේ බව අනාවරණය වී ඇති බවයි වාර්තා වන්නේ.
මේ අනුව සිද්ධියට සැකපිට 39 හැවිරිදි සහ 45 හැවිරිදි සැකකරුවන් දෙදෙනෙක් අලුත්ගමදී අත්අඩංගුවට ගෙන තිබෙනවා.
ඔවුන්ගේ දුරකථන පරික්ෂා කිරීමේදී එහි තිබු වීඩියෝ දර්ශනවල මෙම සිසුන් ඇති බවට පොලිස් නිලධාරීන් හඳුනාගෙන ඇති බව සඳහන්.
පොලිස් භාරයේ පසුවන සිසුන් හතර දෙනා අධිකරණ වෛද්ය පරික්ෂාවකට යොමු කිරීමට මේ වන විට කළුතර ශික්ෂණ රෝහලට ඇතුළත් කර තිබෙනවා.
සිද්ධිය සම්බන්ධයෙන් අලුතම පොලීසිය වැඩිදුර පරීක්ෂණ සිදු කරනු ලබනවා.