පකිස්තානයේ උතුරැ වසිරිස්තානයේ මිරාලි ප්‍රදේශයේ දී කාන්තා වෘත්තීය පුහුණු උපදේශිකාවන් සිවිදෙනෙකු වෙඩි තබා ඝාතනය කර තිබේ.
අදාළ උපදේශිකාවන් සිවිදෙනා ප්‍රදේශයේ කාන්තාවන්ගේ ජීවන තත්වය නගා සිටුවීම සදහා පැවැත්වෙන විවිධ වෘත්තීය පුහුණු වැඩසටහන්වලට සම්බන්ධ වී සිටි පිරිසක් බව සදහන් වේ.
මුහුණු වසාගෙන පැමිණි පිරිසක් අදාළ උපදේශිකාවන් ගමන්ගත් රථයට වෙඩි තබා මෙම කාන්තාවන් ඝාතනය කර ඇති අතර එහි රියදුරා තුවාල ලබා බේරී ඇති බව විදෙස් මාධ්‍ය වාර්තා කරයි.
කාන්තා වෘත්තිකයන් ඉලක්ක කරගෙන මෙම ප්‍රදේශයේ දී ප්‍රහාර එල්ලවීම සිදුවන බවත්, පසුගිය සැප්තැම්බරයේ දී කාන්තා සෙෘඛ්‍ය සේවිකාවද ඝාතනයට ලක්ව ඇති බවත් අදාළ වාර්තාවල වැඩිදුරටත් සදහන් වේ.
