ඇෆ්ගනිස්ථානයේ තලේබාන් සංවිධානය විසින් පනවන ලද හයවන ශ්රේණියට ඉහළ ගැහැණු ළමුන්ගේ පාසල් තහනමට ප්රතිචාර වශයෙන් ප්රංශ පාර්ලිමේන්තු මන්ත්රීවරුන් තලේබාන් නිලධාරීන්ට එරෙහිව සම්බාධක පනවන ලෙස ඉල්ලීමක් කර ඇතැයි වාර්තා වේ.
මේ පිළිබඳ සදහන් Tolo News වාර්තාවකට අනුව ප්රංශ පාර්ලිමේන්තුවේ සාමාජිකයින් 50කට වැඩි පිරිසක් ප්රංශ ජනාධිපතිවරයාට සහ පාර්ලිමේන්තු කථානායකවරයාට ලිපියක් යවමින්, පසුගිය වසරේ කාබුල් අත්පත් කර ගැනීමෙන් පසු තලේබාන් පාලකයන් ලබා දුන් මානව හිමිකම් පොරොන්දු ඉටු කිරීමට බල කිරීම වෙනුවෙන් තලේබාන් නිලධාරීන්ට සංචාරක සම්බාධක පනවන ලෙස ඉල්ලා තිබේ.
තලෙයිබාන් අධ්යාපන අමාත්යාංශය “සංස්කෘතික අභියෝග”වලට දොස් පවරමින්, ආර්ථික අර්බුදය සහ කාන්තා ගුරුවරුන්ගේ හිඟකම බාලිකා පාසල් නැවත විවෘත කිරීමේ ප්රමාදයට හේතු ලෙස ඉදිරිපත් කරන අතර පාසල් නැවත ඉක්මණින් විවෘත කරන බව ද පවසයි.
එහෙත් සැබෑ තත්වය එය නොවන අතර, ඇෆ්ගනිස්ථානය තලේබාන් සංවිධානය විසින් අත්පත් කර ගැනීමෙන් පසු මානව හිමිකම් උල්ලංඝනය කිරීම් පුළුල් ලෙස වාර්තා වී ඇති අතර ගැහැණු දරුවන්ට පාසල් යාම අහිමි කිරීම, කාන්තාවන්ට රැකියා අහිමි කිරීම, කාන්තාවන්ට පිරිමි පුද්ගලයකු නොමැතිව ගමන් කිරීම තහනම් කිරීම සහ නිවසින් පිටවීම තහනම් කිරීම ඒ අතර ප්රධාන වේ.