මෙම වසරේ ජර්මනියේ පැවති G7 සමුළුව චීනයේ ගෝලීය බලපෑමට මුහුණ දීම සඳහා චීනයේ එක් තීරයක් එක් මාවතක් වැඩසටහන (BRI) ඉලක්ක කර පැවති බව විදෙස් මාධ්ය වාර්තා කර තිබේ.
සමුළුවේ පළමු දිනයේ දී, ඇමරිකානු ජනාධිපති ජෝ බයිඩන් නව G7 මුලපිරීමක් නිර්මාණය කිරීම සඳහා ඩොලර් බිලියන 600 ක් රැස් කිරීමට සැලසුම් කරන බව නිවේදනය කරනු ලැබීය.
එය ගෝලීය යටිතල පහසුකම් සහ ආයෝජන සඳහා හවුල්කාරිත්වය (PGII) ලෙස හැඳින්විමට ද කටයුතු කෙරිණ.
එය චීනයේ එක් තීරයක් එක් මාවතක් (BRI) වැඩසටහන හරහා චීනයේ ගෝලීය බලපෑමට ප්රතිරෝධය දැක්වීමේ උත්සාහයක් ලෙස හැදින්වේ.
නව G7 මුලපිරීම තුළ චීනයේ වර්ධනය වන යුධ ශක්තිය සහ ව්යාපාරික මෙහෙයුම් මැඩලීමේ අරමුණ සහිත බව එක්සත් ජනපද ජාතික ආරක්ෂක උපදේශක ජේක් සුලිවන් සමුලුවේ පළමු දිනයේ දී ප්රකාශයක් නිකුත් කරමින් පවසා තිබිණ.
මෙම නව මුලපිරීම පසුගිය වසරේ G7 සමුළුවේදී හඳුන්වා දුන් වඩා හොඳ ලෝකයක් ගොඩනඟන්න ( Build Back Better World) වැඩසටහන තවදුරටත් ප්රතිසංස්කරණය කිරීමක් ලෙස ද හදුන්වා තිබේ.