රුසියාව යුරෝපයට ගෑස් බෙදාහැරීම සීමා කිරීමෙන් පසු ඇති වන සැපයුම් හිඟයක් පිළිබඳ කනස්සල්ල මධ්‍යයේ ජර්මනිය ස්වභාවික ගෑස් සංරක්ෂණය කිරීම සඳහා ගල්අඟුරු බලාගාර 21 ක් නැවත ආරම්භ කිරීමට සැලසුම් කර ඇති බව වාර්තා වේ.
ප්‍රංශය, ඉතාලිය, ඔස්ට්‍රියාව සහ නෙදර්ලන්තය ද පැරණි ගල්අඟුරු බලාගාර නැවත සක්‍රිය කිරීමේ සැලසුම් ප්‍රකාශයට පත් කර ඇති බව පැවසේ.
කෙසේ වෙතත්, ජර්මනියේ සැලසුම් වඩාත් පුළුල් බවත් ගල්අඟුරු පුනර්ජීවනයේ ප්‍රතිඵලයක් ලෙස ජර්මනියට එහි දේශගුණික ඉලක්ක සපුරා ගැනීම වඩාත් අපහසු විය හැකි බවටත් විශේෂඥයින් අනතුරු අඟවා ඇති බව වොෂින්ටන් පෝස්ට් වාර්තාවක දැක්වේ.
2030 වන විට ජර්මනිය පුනර්ජනනීය බලශක්තිය සඳහා වත්මන් දායකත්වය සිව් ගුණයකින් වැඩි කිරීමට ප්‍රතිඥා දී ඇති අතර, එහි බලශක්තියෙන් 80% ක් පුනර්ජනනීය ප්‍රභවයන්ගෙන් ලබා ගැනීමේ බලාපොරොත්තු විය.
