ඔක්ස්ෆර්ඩ් – ඇස්ට්රාසෙනෙකා කොරෝනා වෛරස එන්නත අවුරුදු 65 ට වඩා වැඩි අයට ලබා නොදිය යුතු බව ජර්මනියේ එන්නත් කොමිෂන් සභාව පවසයි.
ජර්මානු අභ්යන්තර කටයුතු අමාත්යාංශයේ ප්රකාශයකට අනුව, රටේ ප්රධාන මහජන සෞඛ්ය අධිකාරිය වන ජර්මනියේ රොබට් කොච් ආයතනයේ (RKI) එන්නත් පිළිබඳ ස්ථාවර කමිටුව (STIKO) මෙම වයස් කාණ්ඩය සඳහා ඇස්ට්රාසෙනෙකා සහ ඔක්ස්ෆර්ඩ් විශ්ව විද්යාලය විසින් සංවර්ධනය කරන ලද එන්නතෙහි ඵලදායීතාව පිළිබඳ ප්රමාණවත් දත්ත නොමැති බව සොයාගෙන තිබේ.
“සායනික අධ්යයනයට සහභාගි වූවන්ගෙන් වයස අවුරුදු 65 ට වැඩි පිරිස සුළු සංඛ්යාවක් නිසා මෙම එන්නත සම්බන්ධයෙන් වැඩිහිටියන් තුළ කාර්යක්ෂමතාව සහ ආරක්ෂාව පිළිබඳව නිගමනයකට එළඹිය නොහැකියි. එබැවින් මෙම එන්නත දැනට STIKO විසින් නිර්දේශ කරනුයේ වයස අවුරුදු 18ත් – 64ත් අතර පුද්ගලයින් සඳහා පමණයි.” යැයි එම නිර්දේශයේ සඳහන් වේ.