29 C
Colombo
Sunday, June 23, 2024
spot_img

හොඳ නවෝත්පාදන සමඟ ‘හොඳ ජීවිතයක්‘ වෙනුවෙන් GLX තවත් පුළුල් වෙයි

- Advertisement -

“හොඳ ජීවිතයක්” යන අරමුණ පෙරදැරි කරගනිමින් ආහාරපාන, කෘෂිකර්මාන්තය, සංචාරක ව්‍යාපාරය සහ සත්කාර ක්ෂේත්‍රය පාදක කරගත් සුළු හා මධ්‍ය පරිමාණ ව්‍යාපාර මෙන්ම නව ව්‍යාපාර සඳහා තාක්ෂණික සහාය ලබාදෙන Good Life X (GLX) ආයතනයේ නායකත්ව කණ්ඩායමට පසුගියදා නව සාමාජිකයින් දෙදෙනෙක් සම්බන්ධ වූහ. ඒ අනුව GLX නිර්මාතෘ/ ප්‍රධාන විධායක නිලධාරී රන්දුලා ද සිල්වා සහ GLX වැඩසටහන් ප්‍රධානී ශෙනාලි ද සිල්වා යන අයට අමතරව, ක්‍රමෝපාය සංවර්ධන  සහ ආයෝජන උපදේශකයෙකු ලෙස ප්‍රකට ලෙස ආජ් වනිගරාජා සහ ආර්ථික විශ්ලේෂක සහ අන්තර්ජාතික සංවර්ධන උපදේශකවරයෙකු වන අනුෂ්ක විජේසිංහ යන අය ද පසුගියදා එහි නායකත්ව කණ්ඩායමට එක්වූහ.  මේ සියලු දෙනාගේ එකමුතුව තුළ සිය දෙවැනි අදියරේ වැඩකටයුතු ක්‍රියාත්මක කිරීමට GLX මුල පුරා තිබේ.

වසර 2ක් තරම් කෙටි කාලයක් තුළදී සිය වැඩසටහන් සංකල්පය මනාව ක්‍රියාත්මක කරමින් සහ ජීවිතය පරිවර්තනය කරන්නාවූ අනාගතවාදී තිරසාර ව්‍යාපාර බිහිකිරීමට සමත් නවෝත්පාදන කළමනාකරණ ආයතනයක් ලෙස සිය ස්වාධීනත්වය ප්‍රකට කරමින් කටයුතු කිරීමට GLX සමත්ව සිටියි. එහි නායකත්ව මණ්ඩලයට ඇතුළු වුණු නව සාමාජිකයින්ගේ ශක්තිය ද සමඟ මෙම සාර්ථකත්වය තවදුරටත් ඉදිරියට ගෙනයාමට හැකිවනු ඇත. විශේෂයෙන්ම දෙස් විදෙස් වෙළඳපොළ ඉලක්ක කරගනිමින් තම ව්‍යාපාර කටයුතු වෙනස් කිරීමට, නිර්මාණශීලී කිරීමට උනන්දුවක් දක්වන පෞද්ගලික මෙන්ම රාජ්‍ය ආයතන සඳහා ද ඉදිරියේදී තම සහාය පිරිනැමීමට GLX සූදානම් ය.

ජර්මානු සංවර්ධන සහයෝගීතා ආයතනය හෙවත් GIZ සමඟ එකමුතුව 2019 වසරේදී ආරම්භ කරන ලද GLX ආයතනය, මුලදී නව ව්‍යාපාර 6ක් සමඟ එක්ව කටයුතු කළ අතර, එසේ තම සහාය පිරිනමන ලද නව ව්‍යාපාර සහ, සුළු හා මධ්‍ය පරිමාණ ව්‍යාපාර සංඛ්‍යාව 45ක් දක්වා පුළුල් කිරීමට සමත්විය. ඒ විවිධ ව්‍යාපෘති වැඩසටහන් කිහිපයක්ම ක්‍රියාවට නංවමිනි. ඒ අතුරින් GLX Accelerator සහ GLX Garage යන වැඩසටහන් දිගින් දිගටම ක්‍රියාත්මක වන අතර, තවත් ව්‍යාපෘති කිහිපයක් කොවිඩ් අර්බුදය හමුවේ, ඊට මුහුණදීම සඳහා සුළු හා මධ්‍ය පරිමාණ ව්‍යාපාරවලට දිරිදීමේ අරමුණින් ආරම්භ කරන ලදී.

“මේ සෑම වැඩසටහනක් සඳහාම අපට ලැබෙන අයදුම්පත් ප්‍රමාණය ශීඝ්‍රයෙන් ඉහළ ගොස් තිබෙනවා. ශ්‍රී ලංකාවේ ව්‍යවසායකත්වය සහ ව්‍යාපාර ක්ෂේත්‍රය තුළ පැවැති විශාල ඉල්ලුමක් අපගේ සේවය හරහා සපුරාලන බව ඉන් හොඳින් පැහැදිලිවෙනවා. ඊට අමතරව, ශ්‍රී ලංකාව, ජර්මනිය, නෙදර්ලන්තය, සිංගප්පූරුව, තායිලන්තය සහ අමෙරිකා එක්සත් ජනපදය ඇතුළු රටවල පුද්ගලයින්ගෙන් සහ සංවිධානවලින් සහයෝගීතා යෝජනා රැසක් GLX වෙත ඉදිරිපත්වී තිබෙනවා. ඒ හරහාත් අපගේ අනාගත දැක්ම පිළිබඳ ව්‍යාපාර, පදනම් සහ ආයෝජකයින් සතු උනන්දුව හොඳින් පැහැදිලියි“, යනුවෙන් රන්දුලා ද සිල්වා පැවසුවාය.

විචක්ෂණශීලී පාරිභෝගිකයින් අතර සාර්ථක සන්නාමයන් ලෙස ඉදිරියට යෑමට ව්‍යාපාර සඳහා අවශ්‍ය නවෝත්පාදනය හා ක්‍රියාශීලී මනස උදාකිරීමට GLX සමත්ව ඇති බව ආජ් විග්නරාජාගේ අදහස වී තිබේ. “තිරසාර ව්‍යාපාරවලට සිය පැවැත්ම හා බැඳුණු අරමුණ පහදා ගැනීමටත්, ඔවුන්ට දෙස් විදෙස් වෙළඳපොළ දිනාගැනීමට වුවමනා වන ප්‍රවීණතාව ලබාදීමටත් GLX සිදුකරන කාර්යභාරය පිළිබඳ මා තුළ ඇත්තේ විශාල පැහැදීමක්. ඒ නිසා මම දෙවරක් නොසිතාම GLX කණ්ඩායම හා එක්වීමට ලැබුණු ආරාධනය පිළිගත්තා“, යනුවෙන් ආජ් විග්නරාජා කියාසිටියේය.

මේ අතර අනුෂ්ක විජේසිංහ ප්‍රකාශ කරන ආකාරයට ඔහු GLX කණ්ඩායමට සම්බන්ධ වීමට පෙළඹවූ ප්‍රධානම කරුණ වන්නේ, ව්‍යාපාර මාදිලිය වෙනස් කරමින් ව්‍යාපාරයේ ලාභදායීතාව ඉහළ දැමීම මෙන්ම, ව්‍යාපාරවල පාරිසරික බලපෑම කෙරෙහි ධනාත්මක බලපෑමක් කිරීමට GLX සතු හැකියාවයි. “වර්තමානය වනවිට අපනයන වෙළඳපොළ තුළ අවධානයට ලක්වන එකම කාරණය වන්නේ භාණ්ඩයක මිල නොවෙයි. අදාළ භාණ්ඩය හා සේවාව හා බැඳුණු පාරිසරික සහ සදාචාරාත්මක ප්‍රමිතීන් පිළිබඳවත් විදෙස් වෙළඳපොළ තුළ විශාල අවධානයක් යොමුවෙනවා. ඒ හරහා සුළු හා මධ්‍ය පරිමාණ ව්‍යාපාර කෙරෙහි ඇතිවන සුවිශේෂීතාව ඉතා විශාලයි. අනෙක් අතට අද වනවිට පාරිභෝගිකයින් ඉතාම විමසිලිමත්. ඒ වගේම විවිධ රජයන් තම වෙළඳපොළ නියාමන කටයුතු දැඩි කරමින් සිටිනවා. මේ පසුබිම මත නව අවස්ථාව වගේම අභියෝගයක් උදා වනවා. GLX ව්‍යාපාර සඳහා සහාය වන්නේ මේ වාතාවරණය මතයි”, යනුවෙන් අනුෂ්ක විජේසිංහ පැවසීය.

“GLX ආයතනය විදිහට අපගේ කාර්යභාරය තුළ අංශ 3ක් ඔස්සේ විහිදුණු විභවතාවක් පවතින බව අපගේ විශ්වාසයයි“, යනුවෙන් රන්දුලා ද සිල්වා පැවසුවාය. “පළමුව, ශ්‍රී ලංකාව සතුව ඊට ආවේණික වූ සහ සාම්ප්‍රදායික උරුමයක් පවතින අතර, තවමත් භාවිතයට නොගත් ස්වභාවික සම්පත් රාශියක් පවතිනවා. දෙවනුව ශ්‍රී ලාංකික තාක්ෂණික ව්‍යවසායකයින් කෙරෙහි ඇති ගෝලීය ඉල්ලුම සහ වැඩිදියුණු වෙමින් පවතින නවෝත්පාදන ක්ෂේත්‍රයත්, තෙවනුව ගෝලීය මනසක් සහිත සවිඥානික පාරිභෝගිකයිනුත් කෙරෙහි අපේ අවධානය යොමුවෙනවා. මේ තත්ත්වයන් උඩ සහ විශේෂයෙන්ම ගෙවුණු දෙවසරක සාර්ථකත්වය මත, ගෝලීය අවකාශයන් දිනාගැනීමට සහ දේශීය හුරුවකින් යුතු ව්‍යාපාර සඳහා සහාය වීමට අපට හැකිවී තිබෙනවා”, යනුවෙන් ඇය වැඩිදුරටත් විස්තර කළාය.

මේ අතර GLX  වැඩසටහන් ප්‍රධානී ශෙනාලි, “නව ව්‍යාපාර සහ සුළු හා මධ්‍ය පරිමාණ ව්‍යාපාරවලට සහාය දැක්වීමට අමතරව, තම ව්‍යාපාරයේ ඉදිරිය ගැන සිතන රාජ්‍ය හා පෞද්ගලික ව්‍යාපාර කරාත් ඔවුන්ටම අනන්‍ය වූ ව්‍යාපාර විසඳුම් සැපයීමේ හැකියාව අප සතුයි. විශේෂයෙන්ම නව ව්‍යාපාර මාදිලි සහ ආකල්ප ඔස්සේ ගමන් කිරීමට උනන්දුවක් දක්වන ආයතනයක් ලෙස GLX,  අවබෝධයෙන් යුතු නව අත්හදාබැලීම් සහ ආයෝජන සමගින් ව්‍යාපාරවලට සාර්ථකත්වය කරා මඟ පෙන්වීමට සූදානම්”, යැයි පැවසුවාය.

RECENT ARTICLES - SINHALA

බ්‍රිතාන්‍යයේ LTTE තහනම ඉවත් කරන්නැයි කළ ඉල්ලීම ප්‍රතික්ෂේප වෙලා

ත්‍රස්තවාදී සංවිධානයක් ලෙස බ්‍රිතාන්‍යයේ LTTEයට පනවා ඇති තහනම ඉවත් කරන ලෙස TGTE (දෙමළ ඊලම් සංක්‍රාන්ති රජය) විසින් කරන ලද අභියාචනය එක්සත් රාජධානියේ තහනම් සංවිධාන...

තියුණු ආයුධයකින් පහරදී පුද්ගලයෙකු ඝාතනය කරයි

බහින් බස්වීමක් දුරදිග යාමෙන් පුද්ගලයෙක් විසින් තියුණු ආයුධයකින් පහරදී තවත් පුද්ගලයෙක්ව ඝාතනය කර තිබෙනවා. පොලීසිය සඳහන් කළේ ඊයේ (22) අලුයම් කාලයේදී කටුවන පොලිස් වසමේ අමුදමන...

රාජ්‍ය මූල්‍ය කටයුතු ගැන හොයන්න පාර්ලිමේන්තු කාරක සභා 20ක්

රාජ්‍ය මූල්‍ය සහ රජයේ ප්‍රතිපත්තිමය කරුණු පිළිබඳව පාර්ලිමේන්තුවේ අධීක්ෂණය තවදුරටත් ශක්තිමත් කිරීමේ අරමුණින් ආංශික අධීක්ෂණ කාරක සභා 20ක් පිහිටුවා ඇති බව මුදල් ආර්ථික ස්ථායීකරණ...

POPULAR ARTICLES

සියලුම රථවාහන හිමියන්ට විශේෂ දැනුම්දීමක්

පොහොය දිනයන්වල මාර්ග තදබදයක් ඇතිවන ලෙස මාර්ග අවහිරවන සේ වාහන නවතා තබන රියැදුරන්ට එරෙහිව නීතිමය ක්‍රියාමාර්ග ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ...

උසස් පෙළ අයදුම්කරුවන්ට දැනුම්දීමක්

2024 උසස් පෙළ විභාගය සඳහා අයදුම්පත් භාරගැනීමේ අවසාන දිනය දීර්ඝ නොකරන බැවින් ඊට පෙර අයදුම්පත්‍ර යොමු කරන ලෙස විභාග දෙපාර්තමේන්තුව අයදුම්කරුවන්ගෙන් ඉල්ලීමක් කරනවා. ජූලි මස...

පළමු වසරට ළමු​න් ඇතු​​ලු කරන චක්‍රලේඛයේ වෙනසක්

පාසල් වල පළමුවන ශ්‍රේණියට ළමුන් ඇතුළත් කිරීම චක්‍රලේඛ උපදෙස් සංශෝධනය කිරීමට කැබිනට් අනුමැතිය හිමිවී තිබෙනවා. රජය පවසන්නේ, අධ්‍යාපනයේ සම සාධාරණ ප්‍රවේශ අවස්ථා තහවුරු වන...