උසස් පෙළට පෙනී සිටි සිසු දරුවන් සඳහා වෘත්තිය පුහුණුව ලබන මස 05 වනදා සිට ආරම්භ කෙරෙන බව අමාත්‍ය සුසිල් ප්‍රේමජයන්ත මහතා පවසනවා.
ඔහු මෙම අදහස් පළ කළේ, වරාපිටිය පාසල් පර්ශදයේ පෝෂිත පාසල් සඳහා සම්පත් බෙදා දීමේ වැඩසටහනේ ප්‍රධාන ආරාධිතයා ලෙස සහභාගී වෙමින්.
අමාත්‍යවරයා ප්‍රකාශ කළේ, සාමාන්‍ය පෙළ විභාගය අවසන් වූ පසු එම සිසුන්ට ද වෘත්තීය මග පෙන්විම් ආරම්භ කෙරෙන බවයි.
වරාපිටිය මහා විද්‍යාලය , හදුගල මහා විද්‍යාලය සහ කැකිරිඕබඩ මහා විද්‍යාලයට සුහුරු පුවරු ලබාදීමද මෙහිදී සිදු වූ අතර, පාසල් පෙළ පොත් නිල ඇදුම් මෙන්ම පාසල් සඳහා උපකරණ ලබාදීමට අමාත්‍යවරයා අතින් සිදු කෙරුණා.
